2010年11月9日 星期二

心理準備

各位最近加入的新金甲,金價今晚又創新高了,突破$1400美元,大家當然開心,不過開心之餘,亦要有心理準備調整。小弟於2008年8月開始在網上叫人買金不久,就由900調整至700,幅度甚大。

要知道買實金不單是一種投資,還是對整個現代金融系統提出不信任及挑戰,既得利益者一定會用各種手段來打擊金甲的信心,從2000年$250升到今天,就經過多次重大調整,能夠在低位入貨當然好,不能夠也不用灰心,我相信現階段仍然是有買貴冇買錯,最重要是有清醒的頭腦及細心分析!

17 則留言:

Gordon 提到...

但係情形唔係唔同左咩?今時今日IMF都乾塘, 而各國中央銀行都吸緊實金實銀, 例如2年前中銀香港仲有長城銀條賣, 而家影都無, D實金實銀入親國內好似泥牛入海咁無晒. 似如果現今時勢強行壓低實金價, 已經無足夠數量的大量實貨可以掟出市場掟到質低金價一半啦,如果大莊又狂做空, 咁COMEX個指數離實金的真實價值越來越遠, 我地咪仲難買到實金?

gogoldjoe 提到...

對!你說的對!我只係提醒大家不要太在意那個「價」!當價低又冇貨,根本沒有任何意義,如果因為給調整嚇怕而沽貨,會後悔!仲記得在舊u記討論區,在金價升到1032力史高位時,有人兄就急忙沽貨,結果1032一去冇回頭!

Gordon 提到...

我突然又諗到, 如果大莊真係做空質低金價, 即使係銀行買唔到金幣金條, 咪仲可以係周x生之類金鋪買金扣囉(金鋪調整政策前), 還掂佢地呢d金鋪打開門做生意一定要賣實金, 而且跟國際牌價,如果金價大跌, 可能有一,兩日時間呢類金鋪調整唔切個差價, 照跟國際牌價賣.Joe兄認為呢個想法可行嗎?另外, 你估如有標題所說的情況, 金價會被質到見幾但呢?

Bosco 提到...

要時刻緊記,自己系擁有幾多兩/安士金銀,而唔系幾多錢金銀。

Lisa 提到...

金價愈升愈高, 波動就會愈大; 不過金有金本位概念, 所以長線還是升多過跌 !
可能高位會沽出一些唔多靚的金飾, 等回調買返 !
其他就唔會沽啦 !

gogoldjoe 提到...

回gordan,這方法可行,我以前都試過,就係雷曼破產時,當曰係星期六,金行明知星明一金會大升,但都要跟國際價賣。

小C9 提到...

睇番個CHAT, 通常急升後都會急跌. (唔知啱唔啱). 真係有D驚驚.

gogoldjoe 提到...

冇咩好驚!幾年來不知經過多少次,最重確定導致黃金返回其價值的因素沒有改變就可以坐得很安心了。

Eric 提到...
作者已經移除這則留言。
satan_wong 提到...

無咩好驚...
因為有太多美元推出黎...

Gordon 提到...

我今日行街經過周X福地鋪, 順便試問上面提過在金鋪買金扣或金條是否可行的問題,點知我一提問點買金條, 佢D職員當堂呆一呆, 然後話要俾現金喎,我話我知,咪俾現金囉, 佢先話我地而家只會係星期一至星五香港股市開市時間先會賣金條!
JOE兄, 係咪上次你買左好多呀?

gogoldjoe 提到...

講笑,買金條都去銀行啦!不過金條差價細d,佢地賺得少d,用d金條做首飾賺多好多架,所以當然唔想賣俾你。股市開市至肯賣!?新野喎,我以前買過金粒,都係星期六買既,咁既規距真係好奇怪!

gogoldjoe 提到...

我估佢地係唔想賣,周五一晚跌$40,好明顯佢知你想屈佢機!

小C9 提到...

唔知今次會調整幾多同幾耐呢?...

金多祿 提到...

請指教:我條五兩金面上出咗塊紅色班(唔知係米氧化??),有無方法抹?

gogoldjoe 提到...

紅色斑係礦物質,以前楓葉金幣都曾出現過,冇咩問題,金係最穩定物質之一。

金多祿 提到...

Thanks!