2010年10月25日 星期一

End of the game!

168師兄們曾講過,我地以前都有講過下,早前又有位Mises兄在其他地方講過,短而精簡,值得細味,大家可以想像到到時情況係點樣嗎?

「無論FED自己要放水(每印幾多錢都要有相應數量既國債back up),或者銀行要放水(債價升,債息趺,市場息率跟住趺,銀行渣住既企業債券就升值,第一級資本增加,可以放更加多既水),都一定要頂住個長債價格,但係依家多國都唔再買長債,老美唯有自己印錢自己買(美其名QE),但係由財政部直接注資既inflationary effect會更加厲害,會令投資者愈識到債息回報唔足以抵消通脹損失,資金會流向其他市場,會變成一個惡性循環,愈係QE,資金愈流走,就要愈更加多錢去頂住美債,到左一個critical point,市場意識到inflationary risk愈趨嚴重,同埋為左保住自己既購買力,而令到因短期借貸市場水浸,俾人為壓低既市場息率同default risk偏離,到時候就算FED唔加息,市場自己都會郁手,同個陣就係 end of the game!」

用買樓作例子,講得白d,如果因為資金繼續氾濫,樓價愈升愈勁,升到每個月50%-100%,甚至每年200%-300%,咁會點?

咁好多人唔使一兩年,已經可以賣樓套現,還清銀行債務之餘,自已仲有錢賺!到時銀行如果繼續堅持按超低的聯邦基金利率去借錢俾人,咁銀行手上的資金購買力就會不繼委縮,因為資產及商品不斷升價,人們用銀行借來的錢去爭持商品,待商品升了值,沽貨後將跌了購買力的錢還給銀行,賺取利潤。

到時銀行只有一條路可走,才能保存自已財富,就是唔跟央行利率,自行狂加借貸利率,或索性唔借錢俾人,而且將從央行借來的錢去爭持商品。

這就是end of the game!

3 則留言:

Eric 提到...

no.........到時我d退休保險and投資保險儲蓄保險..其實小弟都唔係好想d金銀升..通脹高..因為我家人買左好多保險給我..佢地都好多..但一d金銀都沒..只買樓and股票..

銀豬星期一 提到...

所以有閒錢就快 d 買多幾幢樓

不過文中所說的 critical point 出現(前)會發生什麼先兆 ?
出現(時) 是否全世界股樓金銀銅同時大跌 ? 金屬極快回穩再爸吧聲咁升 ?

Joe 提到...

或者先兆可能係銀行開始用各種借口唔做按揭!
其實而家情況都幾嚴峻,樓市一年至今升了22%,試諗下,如果有個人有1000萬現金(呢類人香港都唔少),買10層300萬既樓,各支持100首期,總按揭2000萬,而家只需要賣出10層當中的8層,將獲利的錢還給銀行,還清餘下兩層的按揭,咁已淨獲利兩層樓了,最後佢還番約400萬俾銀行,自已得2層樓,銀行收番400萬,但400萬相對1年前的購買力卻縮水了最少22%,如果你係銀行,你就會開始考慮,係唔係唔應該借錢俾人,用400萬去買樓等升值好過?

(當然,以上計法只係約數,還未計及利息等數目因素)