2010年10月22日 星期五

疑似金價分析!

先歡迎幾位新隊員加入!可能係金價近期飛升,引起左好多人注意,大家先至會搵到黎呢度!不過我亦要講下,做金甲蟲難度好高,耐性非常.....非常重要,168師兄們有些持貨至今已六七年。
-
點解咁講?因為對手好強橫!佢地除左會透過期貨市場大力沽空黃金,做低金價,令投資者知難而退外,仲會通過「文攻 」打擊投資者信心,實行軟硬兼施,所以,頭腦一定要好清晰先至唔會被佢地厄到!
-
其中一個例子就係幾日前在《信報》睇到既呢個全版廣告!開頭睇到條題「高處不勝寒 / 投資黃金宜審慎」,仲以為係普通分析,睇真d,原來係廣告!
-
賣廣告有乜咁奇?奇就奇在內文分析左金市去向後,跟住就再進一步力陳「買實金不如買金股」,因為金股既升幅比金價更勁,有d今年更高達169%。睇完,我以為可能係登廣告既人想promote一下自已d黃金基金啦?
-
點知,睇下左下角既廣告,竟然係賣完全唔關事既中國A股基金。哇......哇!邊個有錢人咁好心,用幾十萬落一版全版廣告,但又唔係promote自已既相關產品喎,而係提醒投資者要小心,要走一條正確既路──買金股!
-
原來係duck意志銀行!細心d諗下,銀行會唔會咁好心呢?會唔會自已一d著數都冇,用幾十萬提醒投資者呢?傻既都知唔會啦!真係好心既,咪捐晒d錢去公益金咯!
-
有睇開我地舊post既都知,去年市場曾傳聞某大銀行因為大力沽空期金,做低金價,後尾金市多人提貨,佢地竟然交唔出實金,淨d搞到違約,隨時陷入破產危機,最後要歐央行沽金打救(d金沽左俾邊個?歐央至今一直未公佈!)。
-
正所謂唔見棺材唔流眼淚,上次有人打救死唔去,當然會係市場繼續沽啦,相信手上又累積左唔少沽盤,以黃金今年升幅,呢d沽盤肯定好危險。
-
如果呢間銀行係Duck意志(我話如果咋,冇話一定係佢呀!),咁出呢版廣告叫人唔好買實金,轉買金股,就好合情合理咯!以我所知,duck意志手上仲有唔少金股,咁樣做,既可以令少d人買實金,又可以幫助金股上升,認真係一石二鳥!
-
世界上邊有咁大隻甲拿隨街跳?無啦啦又點會咁好心?真係為投資者著想就唔會賣CDO啦!呢版幾十萬既廣告邊度貴?計我話,抵到爛!
-
各位新隊友,聽完我咁講,你地應該知道你地係金市銀市面對既係一班點樣既對手啦!佢地唔係股市一般所講既大戶、有錢人,而係一班主宰世界金融市場既掌門人!
-
所以耐性與冷靜既頭腦非常重要!
-
PS:金市通識
-
世界金價主要參考倫敦金,倫敦金每日定價由五大定盤商決定,他們分別是:
1/加拿大豐業銀行
2/德意誌銀行
3/匯豐銀行
4/法國興業銀行
5/巴克萊銀行

15 則留言:

Lisa 提到...

我在 1200 樓下, 已沽曬金股轉買金幣 ! 再跌破 1300 可以考慮再買, 跌破 1200 飛身買入 XD !

Sandy 提到...

我今日去利昌買了三粒銀粒, 我未過利昌的, 原來完全唔似金舖, 似銀行多d!

小C9 提到...

今日想再去利昌入貨. 但去咗boc買金幣同喺kitco買咗d銀幣, 唔夠錢lu, 所以最後冇去到利昌. 等我再儲多d錢先. 哈哈.

Eric 提到...

boc仍有金幣買?仍有貨?

Johnny 提到...

boc 有五兩金條買嗎?

Eric 提到...

YAHOO 新聞:月球是寶庫 遍地有銀子:
最新研究發現,月球土壤蘊含的元素比原本想像還要豐富,科學家在凱布斯(Cabeus)隕石坑的元素和化合物中發現銀的蹤跡。美國國家航空暨太空總署(NASA)去年策劃撞擊月球表面,激起的塵土顆粒交由布朗大學(Brown University)研究人員分析,結果意外發現內含豐富的混合物,除了銀之外,還有水、羥基、一氧化碳、二氧化碳、氨和自由鈉等化合物。

研究主要作者兼布朗大學地質學家舒茲(PeterSchultz)說:「這個地方簡直是個元素寶庫,內含所有曾在月球上發現的化合物,被放進永遠處於陰影中的這個隕石坑。」這篇研究刊登於明天發行的「科學」(Science)期刊。

舒茲在研究中指出,阿波羅號(Apollo)太空任務數十年前已在面向地球的月球表面,發現銀和金的蹤跡。

不過在凱布斯隕石坑發現銀,代表月球的銀原子已經轉移至極地

Eric 提到...

月球如果好多銀和金..金價,銀價..會不會跌?????

小C9 提到...

BOC 仲有金幣賣呀, 不過得番SEALED, 冇UNSEALED賣, 要多500蚊1個, 但都比KITCO平. 所以最後我都喺BOC買.

5 TAELS 金條, 唔記得恒生定BOC有, 但好似唔多. 各位師兄/姐, 有買襯手LA. (我唔夠錢, 唔係我都買咗, 哈哈.)

patrickking30 提到...

月球上面你想站得穏都好高難度,而且一次火箭來回,

攞到幾多礦沙番來??上去一次碼要成幾十億美金,

攞回來的礦沙可以煉到多少金多少銀?

Eric 提到...

師兄又分析得M

i 提到...

月亮?? haha, 哩啲都係心理戰嚟,吹吓水喳嗎,又篩走咗啲人,又好似聯處局話嚟僅QEII,但係見身郁唔見米白,咁啲人又買哂上去,羊群即係羊群,好容易比人用"期望" expectation 呢玩死,要自己做吓研究,知道手上嘅野係幾咁珍貴,唔係吓吓都用錢呢衡量嘅,咁先可以處變不驚.

我本身都係坐唔定,但係跟咗呢道同168啲師兄一兩年,知多咗就有進步了...

gogoldjoe 提到...

金與銀係其中兩種需要高能量形成的化學元素,尤其是金,排列在化學同位數最後幾個,即係話佢地要好高宇宙能量才能形成,根據核子物理學,係地球難以形成的有限物質,在宇宙其他地方亦一樣很大機會難以形成,除了物理定律不能成立的黑洞內,呢樣野中原的施老闆曾係有線money cafe講過,當時仲寸到肥青飛起!

為左打擊金價,遲下可能會有人話係南極或某處發現大金礦,多數吹水。因為過去三十年的黃金大熊市,令好多金礦商已經先將較易開採,成本較低的黃金開採出來,未來開採黃金只會愈來愈難,成本愈來愈高。

gogoldjoe 提到...

i兄,我都有同感,股市今次危了,隨時到11月2日宣佈暫時不QE,等個市大跌,各大行趁低吸納,先至宣佈QE,下星期我將連緊餘的股票都清倉了。(我只買2800)

i 提到...

Joe 兄, hm.. hai... 股市&商品都好危, 最重要正苦想話比啲人聽債市先係最正豆, 正苦先係喺你最危時拯救你嘅主, 防止你 cash out and go.

銀豬星期一 提到...

睇報紙實會眼盲
報紙佬收左基金好多錢0既 ~~

對著幹實冇錯

~嘻嘻~