2010年9月17日 星期五

買銀要趁早!


銀價迫近歷史高位,真有一番滋味在心頭!
幾年前要買貨,除左去外國同kitco訂,只得中銀最多貨,不過所謂既多,都係一次幾十個,據聞當時中銀有限每次購買量,唔會賣太多俾人,兩年前,岩岩又係九月,銀價跌到得番$8-9左右,經過中銀,拿拿林買番d楓葉,當時一個賣$98,超抵!但結果只係得15個,照殺!
今日一個賣番俾中銀係$173(昨日收市價計),兩年升值76.5%,其實當日資金比今充裕(因為已投資左金銀),好想買多d,但奈何冇貨,今日kitco已進駐,連利昌都有貨,實在方便好多,銀價雖已迫近歷史高位,但相信仲有排升,有貨真係要趁早買,否則好似我咁,拎住呢張收據,真係得個「恨」字!

8 則留言:

CK 提到...

C hing 有冇試過賣番d係Kitco買的楓葉銀俾中銀, 唔知收唔收呢?

Joe 提到...

只係試過賣番中銀買果d俾中銀,未賣過賣kitco果d,但問過,佢話會收,但因冇套,會按普通銀價收。但實際係唔係真係要試下至知,其實個套唔係咁難整,去銀幣店問下,或者有方法做到。

Joe 提到...

因為聽過銀幣店老闆(東洋)話個膠套既膠係PPC,會加速銀幣氧化,所以推測佢地可能好熟膠套製法!而中銀後期的銀幣都好求其下,有時個套難左,都係就咁搵膠紙貼實,所以我估計,可能求其有個套包住,佢地都會當有套銀幣收!

Lisa 提到...

東洋圓盒$5一個 !

Bosco 提到...

如果系看好銀而買銀,就唔太需要擔心中銀收唔收,呢個世界向來只有大眾群羊看住D野越升越買,就如而家既樓一樣既。

Joe 提到...

買銀心勢,bosco講得好岩!我幾年前買,根本連回收等問題都唔會考慮,就算有溢價都照買,純粹建基於對貨幣的概念上面,買銀心態應該係咁,如果要考慮呢類問題,根本就唔會投資。

Bosco 提到...

銀價系嚴重被低估:
(1)系供求層面上,銀系無乜存貨既,而我地用緊既電子產品系有好多都有銀,而呢D需求系相對剛性既,而因為以前銀價一直低企,所以回收產業鏈唔發達-呢一點系最Obvious,但其實系最唔重要
(2)JPM為首既Bullion Bank對銀既壓抑比金有過之而無不及
(3)系金升到咁高時,小市民會相對向銀靠攏(Poor man's gold),印度市場銀價其實已經做緊22美金以上,實銀仲要更貴。
(4)歷史上金銀比例而家絕對向金傾斜,過去百年,金銀比中位大慨系30-40之間,1980年既牛市,金銀比系最後系15-20之間,歷史上行雙幣制或銀本位時大概系10-15之間,地球上金銀存量之比系75/5=15.而家既大於60之比系荒謬既!

大家留意下,今次升浪,系銀帶金為主,銀系Bullion Bank既Achilles Hill啊!

Joe 提到...

唔怪得舊年竟有好多印度人來港掃銀!