2010年9月14日 星期二

愚民檔案

《今晚金價又創新高了,升穿1270!》

小小開心!但冇乜大感覺,因為太多野在預計之內了!反而想介紹大家睇下呢個blog:http://blindfile.wordpress.com/author/blindfile/

呢個blog叫愚民檔案,作者係個銀甲蟲(可能亦有買金),佢有好多學生追隨,或者好多人睇左,會唔知佢講乜,或者會覺得佢好神怪好偏激!因為從內容知佢叫人cut保險,cut基金,cut晒所有同當今經濟體有關的一切投資,只買銀買金,又講到操控香港及世界的組織!

不過,各位金甲蟲,唔理係死硬派,定係溫和派,都一定會有所體會,其實未睇佢個blog前,年多前我已經cut左其中一份保險,取回所有錢,全部用來買金,並叫部份有幾份保險的朋友及同事跟,結果當然係冇人理你!

現在諗番轉頭,慶幸自已當時做了呢個決定,雖然最終結果亦未必代表我的決定一定對,但睇到今日新聞講MPF,再睇埋呢個blog,我覺得如果只係普通打工仔,實在冇必要用自已薪金的10%-20%去買保險,尤其是果d有投資成份的,我認識好多人一買竟然係五六份,一個月供成萬蚊都有,佢地對呢d保險的前境及將來充滿了憧憬,我愈來愈覺得最終結果會令佢地會出乎意料!

20 則留言:

Lisa 提到...

富爸爸說, 買保險是消費, 因為唔會帶現金流俾你 !

Joe 提到...

唔記得同lisa講多謝!是lisa介紹我睇呢個blog的!

Bosco 提到...

今晚系金銀互相輝映!銀曾經做過08年3月以來高位,然後先系金破位。。D Bullion Bank一定好忙啦。。。

所以我好L曾D所謂既Financial Planner成日去叫人買基金同埋投資相聯保險。。。拒地一系就系蠢,自己都唔知;一系就系純心靠害。

當然,仲有D“網絡股票神棍”成日鼓吹“優質股票只有買貴無買錯,長渣無死”。。。。

i 提到...

His old blog:
http://hk.myblog.yahoo.com/demarais123

Enjoy.

匿名 提到...

昨日貪得意買了幾個熊貓銀幣 240一個 又貴了

Bosco 提到...

唔夠D 2009年熊貓銀幣厲害。

3個月前買,大概230一個,而家要280至290一個!

強國同胞好得人驚!

CK 提到...

為什麼1安士熊貓銀幣比1安士楓葉、鷹揚貴? 投資熊貓銀幣有什麼要注意? 應該買生產數量少, 還是注意年份和款式呢?

Joe 提到...

回CK:
熊貓較貴因為深得同胞喜愛!
投資熊貓要小心假貨,因為國內有好多,所以一定要同有信用的大公司買,如大洋。
如果用金甲蟲角度,款式年份都無關重要,最重要是銀的本身價值,所以大部份金甲都好少買熊貓,買是純為興趣,因為實在無必要給溢價去買相同重量的白銀。
不過因為同胞炒性較強,喜歡炒的,亦是頗好玩,同常年份愈耐愈值錢,紀念性較強亦更好炒.....不過呢方面我一定不是專家。

Joe 提到...

熊貓是可以漲得好快的,相差一年已可以相差好多成,不過回收是一個大問題,香港的市場亦太細,我上個月在大洋問佢地回收價,佢話要打上深圳問,但到而家都未答我。各位可以試下打去問佢地,或者拎幾個去放,睇下佢點處理!

chowcc 提到...

我上個月尾買左一個09 panda silver coin比個小朋友做生日禮物(09年出世), 大洋買盛謂290元... 勁貴@_@"

果些基金保險買過一次真係怕怕了, 自已果份短期的係08年頭cut左, 現在看時機要把家人那份的cut埋佢(供20年, 重係我叫弟弟買, 現在要補救), 純保險(住院,純人壽果些)點都會買, 但會當係普通消費

可以既話好想拎MPF的錢去買銀...

Lisa 提到...

MPF 是益基金的東西, 唔俾買人民幣和實金實銀是缺點 !

CK 提到...

如果純投資, 應該去Kitco 買最好, 但是Kitco 好早收工, 手續煩瑣.........星期六又放假

Joe 提到...

回ck:而家有kitco已經係幸福喇,幾年前係要去外國訂架!試過有師兄的包裹更俾海關拆開,撞到d銀花晒!勁慘!

Bosco 提到...

今日系Kitco落Order,一條Mint Bar比我上次入貨貴左成2000蚊! @#¥@#¥@#¥@, 可唔可以跌番落來比我平D買??

Lisa 提到...

剛去舊 blog 度睇到 D 舊文, 因為以前隱藏咗, 所以先睇到原來呢個世上有全實銀投資者 ! 好多箱銀幣呀 @_@

Bosco 提到...

Lisa 看到邊張相有好多箱銀幣,我剩系看到一箱。。。

CK 提到...

最少有4箱呀, 真係好多!! 仲好"青見", 知唔知係邊道買呢? 會唔會係kitco!

Bosco 提到...

黃色咁個?
系加拿大Maple銀幣,500個一箱,原裝Canadian Mint出品,系Kitco一次買夠500個就有啦。

其實500Oz之嘛,唔系好多,只系5條100Oz Mint Bar等重。4箱都只系2000 Oz,而家既幣值只系32萬香港廢紙而爾。。。你話銀幾抵買呢。。。。。有買趁手啦。。。

Bosco 提到...

哦,我看到啦,看相有10盒到啦。

唯!10盒咋!5000 Oz咋,而家個價只系相等於80 Oz金,14條五兩金條咋!你話銀幾抵買啊!!!!

匿名 提到...

我想問下各位師兄!你們的銀幣有冇氧化,幣邊有藍黑色!請問可以點處理呢?