2010年7月30日 星期五

中銀不再入銀了!

每隔一段時間,我都鍾意打去中銀問下行情,幾個月冇打,今日再打去,唔知係唔係佢有來電顯示,加上我留過好多次電話,對方竟知道我係邊個,仲話自已係姓蘇的,巡例問下有冇銀幣銀條,答案當然係冇啦!於是問下有冇得訂!佢就話好難有,我就好聲好氣問佢,當同佢傾下閒話,問佢點解會好難有。

答案:「大陸話唔再供貨,加拿大果邊亦係咁講,而家要買只可以排隊等其他人放出黎,但呢兩個月未有人放過!」

睇黎,白銀的貨源已經不斷歸邊!而且比黃金厲害好多!

下午經過大洋,見熊貓仔可愛,又買番一打,問女店員買多有冇得平d,想不到女店員竟非常醒目又有友善咁答:「有限資源黎架嘛,買得愈多,貨源咪愈少羅,點可能買得多會有折扣!」

我諗佢係大洋做,日日同d客傾,有番兩度省手!

PS:大洋的價雖有溢價,但仍會跟銀價升跌賣!上次買是220/個,今日變左210/個!

9 則留言:

Lisa 提到...

幣舖咁高溢價, 為何唔去 kitco 買 ?

gogoldjoe 提到...

純粹買少少過下引,買多d先至去!

匿名 提到...

Kitco 都有熊貓咩?

gogoldjoe 提到...

kitco冇熊貓賣架!得大洋呢類錢幣公司有!

Lisa 提到...

儲銀姐, 唔一定要買熊貓的 . 我上星期去過東洋買銀幣盒仔都見到有熊貓銀幣, 還有澳洲樹熊, 雖然好靚, 不過計過溢價不值, 所以無買, 只在中銀買咗熊貓金幣 :)

snoopy 提到...

加拿大唔供貨?! 咁 Kitco 仲有冇楓葉銀賣 ?

匿名 提到...

請問"大洋"的地址是在哪裡 ?
joe兄的"購買實銀"指南只有"東洋"....

阿man 提到...

拿銀來入境照烹

一入就拉,疊起一堆,莫問到越南,驗疫執行大行動。唔理肥瘦,請勿進越南,遵守入境奉告,強闖者入境隨時係咁大,帶銀來入境照烹,藏匿者將公刊樣貌,發現會被控,兼大碌竹蹦,傳播者被監禁,之後照踢出越南!

gogoldjoe 提到...

已加入大洋資料