2010年7月6日 星期二

放飾金好去處

呢間野叫忠記,各位一定要識,因為放飾金的價好過所有金行。

小弟今日幫人放一條0.834兩的周生生9999金鏈,先去周生生問價(有收據),照例入門價扣2%傭金,不扣火耗,以當時牌價計,周生生開出9057。出門口即打去忠記問價,係$9157,即行10分鐘過去,放時竟有$9179,10分鐘多百幾蚊,開心!

放金過程超快,前後唔使1分鐘,唔係講笑,真係1分鐘,櫃台阿叔一收到條金鏈,秤完,督計數機,開單,給錢,連驗都唔使驗,更唔使我出示任何收據!好奇問下,阿叔話「咁多年,點會唔識睇!」,真神奇!莫非個秤或佢對手有感應器?(笑)

忠記茶實係一間熔金公司,聽講好多金行都係找佢地幫手熔金,店內成個工場咁,有火槍,仲成個counter都係金器,點形容呢?咪好似五金舖咁羅,不過係黃金的五金舖!(笑)

這次賣金深深體會到黃金的高度認受性!

地址:中環卑利街9號
(但去卑利街會搵唔到,因為佢個門口竟然係士他花利街)
電話:2544 3423

PS:早前有師兄擔心假金問題,試下抽樣拎一條金條去放,一放便知龍與鳳!我更有諗過叫佢幫手切開條金條驗下,但暫時唔使去到呢一步,不過,起碼知道呢度幫到手,已滿足!

36 則留言:

Lisa 提到...

我昨天都在恒生買咗一個KRA, $9310, 好抵買 :)

snoopy 提到...

想請問 , 如果放銀又邊度好O的呢 ?

gogoldjoe 提到...

放銀幣與放銀條是不同的!

長城銀條→利昌/中銀(中銀價較高)

銀幣→視乎種類及那裡買

銀的流通性目前不及黃金,呢方面小弟仍在摸索中!希望找出更多好渠道!

gogoldjoe 提到...

我懷疑忠記都會收銀,你可打去問!

銀婆婆星期一 提到...

今日 2010年 11月 1日
忠記好似上左經濟日報喎 ~~

仲話 2006時 , 一日收$1000 萬喎 ~
宜家就收得勁少啦
個個 hold 起晒
放俾佢 , 第日咪蝕囉 ~~

匿名 提到...

非常感激 Joe 的消息, 今日去放 1 兩九九金. 問了兩家金行都只出 HKD 11,400 左右, 仲話要劈開個金餅仔睇下中間有冇溝野咁話. 結果跑去忠記, 掌櫃報價 HKD 12,440. 差一千元. 結果梗係成交拿錢啦, 掌櫃亦係望下摸下就話 OK, 唔使用試金石, 果然專業兼好價. 謝謝板主!!!

匿名 提到...

why 1 tael 99 gold just 12440? BOC show today ~132XX, is it because of 1 tael instead of 5 tael bar ?

Mike

Unknown 提到...

我都想知為何報價 HKD 12,440, 是否因為是 99 金而不是9999?

Unknown 提到...

今早十點幾去忠記,結果如下:
9999 金 $13310, 0.709 兩, $9437
K 金 $9800, 0.13 兩, $1274
銀 $280, 0.052 兩, $15

共 $10726

匿名 提到...

我想請問我有一套生肖金幣, 可以去那裡賣, 感謝回覆!

Lisa 提到...

賣金幣可以去格價: 忠記, 金舖, 銀行, 之後賣俾最高價個個 :)

Lisa 提到...

銀行好似唔賣生肖金幣, 所以你也可以問問幣舖如灣仔大洋 !

匿名 提到...

想請問現在放金飾是不是都是忠記好過其他大小金飾店,謝謝。

Unknown 提到...

我想問我有一隻金介指收不收

Unknown 提到...

請問我想我有一隻金介指可唔可回收

gogoldjoe 提到...

可以的

Cow 提到...

想請教賣9999金戒子
周大福買入
想賣出去係点收費?

gogoldjoe 提到...

詳情打去問忠記,但一定比賣到金行好價

Dordor 提到...

日式Jewel Cafe 呢?佢哋者都話高價收金嘅,唔知有冇人比較過呢?🙏

Cow 提到...

想問:一下小弟有隻金戒子9999:周大福
賣出係怎樣收錢?忠記收扣唔扣火号2%傭金
係咪隻戒子原隻放係磅磅重量;不需要溶咗後先計算?唔該,🙏🙏

Cow 提到...

再想問一下小弟有隻開口足金戒子沒有打字印沒有舖号係点樣收法呢?計重量嗎?需唔需要扣火号?🙏🙏

gogoldjoe 提到...

不會扣,因為到忠記手上,都是會將其熔掉

Unknown 提到...

如果金棺材釘會唔會唔熔

gogoldjoe 提到...

乜金都收

Fina 提到...

仲有係度?

Fina 提到...

收金周大福, 週生生,六福珠寶 加我微信FinaYeung666

匿名 提到...

星期六有冇開門?如果開,幾點至幾點?

Unknown 提到...


白k金7克
印有謝瑞麟750
回收幾錢?thx

Unknown 提到...

借問會否收主題金銀幣?
金8克1枚
銀500克1枚
回收價幾$?

Unknown 提到...

想問會否收主題金銀幣?
金8克1枚
銀500克1枚
回收價幾$?thx

Unknown 提到...

點解d人咁多問題,又知有忠記,自己吾打去?

Unknown 提到...

去忠記最好。人好,$好。除非你偏好幫襯濫收又吾專業嘅乜生生,周x福......忠記有人抹黑話佢壓$,我敢講肯定係打手。根本成個個程乜都冇講。利申,我d金幾舊下。

Unknown 提到...

想請問在中環站邊個出口較近,唔該晒

Unknown 提到...

我條手鍊買回來1倆9錢因太長在沙田創輝金鋪收短短,佢都未鎊就cut,然後就叫人攞條手鍊去鎊,話剩番1倆3錢7分5,之後再叫人去去對面櫃台攞cUt出來的鎊話Cut左3錢分5,小左2錢,及收手工費35O,cut短的賣给金鋪,扣0.98拥,3.25錢只給我3625,當日收金價16640,我问点解,佢答我要再收百分之25火號,一早唔講,太唔老實概金鋪不要再幫襯

匿名 提到...

中環 D2 出口,沿皇后大道中上環方向,去到鹿角大廈轉左上樓梯巷仔,抬頭望高啲就見到招牌

匿名 提到...

請問匯豐銀行送的「金獅滙瑞慶豐年」收唔收?