2010年7月5日 星期一

我老曹僅餘三十個金幣 (2010年7月5日-人言報)

1929年華爾街股市見頂,當時金價每盎斯20.67美元,到1933年5月金價改為35美元一盎斯,仍較1929年9月高很多,之後三十多年金價基本上保持穩定。2007年10月美股見頂回落,今年6月金價早已打破2007年高位。但同1930年代不同,今天各國央行印鈔能力大增,因此2010年是否1930年代?木宰羊。再強調一次,我老曹並非睇淡金價,只是認為目前金價到了高處不勝寒水平,而我老曹的「持金量」亦已降至只有三十個金幣。

各位聽過黃銅/黃金比率沒有?目前此比率對後市金價不利。70年代金價上升十五倍(在最後四星期狂飆80%),2000年至今金價只上升四倍。根據世界黃金協會公布,今年首季不少中央銀行吸金,包括俄羅斯、委內瑞拉、菲律賓及哈薩克,中國政府則買入所有在中國境內生產的黃金,最後金價會否一如1980年1月那樣出現爆炸性上升才結束?1980年前推高金價的理由是美國通脹率一度達14%,如今則是美國聯邦負債高達13萬億美元。然而,今年4月起,金礦股與金價背馳,以上述分析只能支持金價見1300美元。聯合國強烈希望以SDR(特別提款權)取代美元的儲備地位。

哈,老曹究竟是看淡「金價」,還是金「價」呢?不是看淡前者,但又不建議入貨,不過今日自己個專欄又寫到明「上證有買貴冇買錯」,點解唔寫「黃金有買貴冇買錯」呢?如果不是看淡後者,就慢慢吸金幣啦,但又自爆話自己仲持有三十個金幣,而已三十個金幣的安全感有多少呢?如果不是多的話,就選擇這個「高處」沽金吧!。真係好矛盾。

唔知係咪上次篇文章出街之後,俾好多人逼供後的結果呢?仲話金價高處不勝寒,學JOE兄係討論區所講,都唔知係咪想叫人咪同佢爭買金!

另外老曹話今次並不同於1929年至1933年的升幅,因為「今天各國央行印鈔能力大增」。意思是否說各國控制人民的力量已經到了人民無法推翻政府的貨幣政策呢?

第二段的技術分析,小弟看不懂。糟老頭在168說過有些指標是看黃金的,不過忘記了。不知老曹那個黃銅比率是否可信。

最尾佢話「聯合國強烈希望以SDR(特別提款權)取代美元的儲備地位。」喂,老老實實,係聯合國定美國先。

老曹真係一個通縮派,文末佢又提到西方發達國家進入減債期,消費唔掂,日本,美國和歐洲的GDP佔了全球的65%,因此這些國家消費不力,何來刺激通脹呢?一般人買金的概念係抗通脹,沿住這個想法,買金似乎是傻仔行為。這就是他想灌輸給讀者的概念!

8 則留言:

匿名 提到...

物價上漲(Price)從根本上說是由於"需求和供應"

老曹說應該是目前的金價只是"通脹預期"的反映...

假若推翻政府貨幣政策,
回到近乎金本位制的貨幣政策世界;
那麼...哪些政府持有大部分在地球上的黃金貯備?

美國 同 德國 ??

資金流動的問題...仍在腦震中...

匿名 提到...

老曹那個黃銅比率
是用歷史的高低和平均值來看黃金的Value!


我也是利摒除金本位制後的不同的value ratio指標
來預測黃金價格區間.

gogoldjoe 提到...
作者已經移除這則留言。
gogoldjoe 提到...

你講得岩,佢咁講完全係唔想人同佢爭,佢第一句就話:「1929年華爾街股市見頂,當時金價每盎斯20.67美元,到1933年5月金價改為35美元一盎斯....」,呢句野會睇死好多人,唔小心睇,就會俾佢厄到!問題係邊?

就係個「改」字,當時仲係金本位,實際上並冇一個好似今日的金市,歐美金市並非自由浮動,而只係政府承諾的一個對換價,所以金價在當年是不會天天在動的,金價不是「升」出來,而是由政府「改」出來。

當年金價一路沒有升,是因為政府一直都肯用這個對換價兌現黃金,不過要維持這個兌換價是有代價的,那就是政府的黃金儲備會不斷減少!

在美開奉行金本位初期,美國的黃金儲備有數萬頓。但到了1972年已不足一萬頓。由1933-1966,為了維持35元兌換價,美國政府共損失左數萬頓黃金,最勁是1966年,一年唔見左9800頓。

到1972年,當法國用海軍載住美元來換金,35元的價終於支持唔住,金本位才正式倒台。

所以,大家分析人人超呢個分析,要留意,35元金價,代價就是政府要犧牲自已的黃金儲備,老美之所今日得番8千幾頓,就係當年為左維持35金價的結果。

而今日情況完全唔同。將兩者撈埋一齊講,就係要話俾讀者知,金價可以長期不升。理解左呢點,再去分析,就會清晰好多!

gogoldjoe 提到...

回匿兄:

很多國家都有黃金儲備,好多更收收埋埋唔講,好似沙地岩岩就話自已多左400幾頓,舊年阿爺又係咁,三四年冇向外公佈,突然話自已多左400頓,國際上完全冇機製去check各國黃金儲備。

所以乜乜比率只係一種參考,因為黃金買賣歷史太長,有數千年,大部份時間都用來做貨幣,但某些時期又受政府壓製,貨幣性下降,而黃銅則是長久有穩定需求,所以很難說一定準,只可參考,仲要看其他因素。

阿man 提到...
作者已經移除這則留言。
阿man 提到...

> 而我老曹的「持金量」亦已降至只有三十個金幣。

三十個100盎司金幣?

gogoldjoe 提到...

佢之前又講過話佢已賣晒d金幣,唔知邊句真?所以唔好太放在心上!