2010年6月18日 星期五

丁Sir又衰左了!

由年頭唱淡至今,已連錯幾關,勁過中三T!記得三月時金價回落,主持人在華爾街日報問佢點睇?佢話六月前見1000樓下,結果六月時在1200樓上,呢幾星期金價破歷史高位後,回落又彈上,上星期主持人又問佢,已有兩個頂,會否好似股市咁有第三個頂?佢非常決絕咁打斷主持人的話講:唔會羅!唔會有第三個頂,已經見左頂!

結果,一星期後的今晚再創歷史新高!直至晚上8點最高見1260!呢d評論員有何目的?我唔敢亂咁估!只希望佢同佢手下陳x珠認真咁諗下,下一步要點講?我其實都想佢好,因為佢係電視話佢乜都贏,淨係輸金!

7 則留言:

Lisa 提到...

金價見高位, 好多專家都跌眼鏡, 說無通賬, 所以等通賬來才買金都唔遲, 到時價已升上天 ! 保險是一早要買的啦 !

b兒童 提到...

升得太快啦@@我還未儲夠貨呢!

Merry Christmas 提到...

幾時到銀價創新高? 五十美元Go Go GO!!! ^^

Joe 提到...

銀價早晚都會跟上,大家悉目以待!近期銀價已經開始不銀鉑金及其他金屬走勢了.....嘻嘻

馬蘭奴 提到...

其實金價飛升會吾會代表就快又會有國家或者金融機構會爆鑊?

Joe 提到...

可能係歐元將有個似樣的反彈,或者歐央會宣佈量化寬鬆,smart money已預計美元將轉勢,率先入定黃金。

jasonchong 提到...

金升既因素好多 ... 中國同印度既崛起係一個原因 ... 呢D國家暫時都重唔係國際銀行家的代理人 ... 佢地係金價穩定的一個因素 ...

但最重要既因素係,雄霸世界近百年的美元已快告收皮,以為可以取而代之的歐元亦告失守 ... 世上除了黃金,還有甚麼誠實貨幣?不過到金本位從來,世界將會經歷慢長又痛苦的物價急降 ....

白銀方面,宋大師預視白銀的存量將會在八年內用盡(只 base on 工業需求 .. )如果宋大師預測精確,八年內白銀價格應該 ........ 依家覺悟,踏上金銀甲蟲之路,還不遲,上帝永遠會安排時間比人類上方舟 ... 我買金其實真係算遲起步,但一有多餘錢我就買 .. 一個金幣都唔會放過 ...