2010年6月13日 星期日

人工要焗加,再係咁大通脹好快來

http://hk.news.yahoo.com/article/100613/18/iljg.html

其實富士康加薪,巳經係慢了一步,不關有人跳樓的事,
因為在農曆年前,好多中小廠為左留人,巳加左10-20%.

近幾年官方最低工資都要每年加番十幾%,事關物價升,不得不提高人工,
保護下層工人的生活,大陸CPI的數據就真係....

14 則留言:

Lisa 提到...

講咗好多年惡性通賬, 要來的終會來, 所以大家要有預訪, 買實金和實銀是其中一個方法 !

gogoldjoe 提到...

白米價出年將有戲睇,而家大家食緊既其實係舊年既米,而到左出年就要食今年既米,但世界最大出口國泰國今年產量勁跌六成!

gogoldjoe 提到...

陶傑今期一周都有講,條題係香港明年會通賬,仲話iphone會大幅加價,叫人小心d用,不過最搞笑係林尾加多句,通賬就要買樓!並冇講到買金!

patrickking30 提到...

通脹買樓唔係問題,但有邊個不是借錢買樓架??

一有咩事,息一抽,就大大獲

Unknown 提到...

請問有無前輩可以講下,當年香港高通賬高息率既情況? 有說當年供樓要廿幾厘息,但當時d樓價又升得好快喎,究竟實情係點呢?

Lisa 提到...

回Merry Christmas,
當年就好似依家咁, D人驚買唔到樓因為樓價係咁升, 所以唔理三七廿一, 唔理高息, 係咁買咗先算, 不過當時人工好高 ! 在1998年政府打大鱷後, 又出八萬五政策, 樓市就咁縮, 成街負資產, 因為 D 公司係咁炒人又減人工差不多有一半 ! 賺六萬的IT人, 只剩人工兩三萬, 所以好多人供唔起樓啦 !

gogoldjoe 提到...

九七年已經唔算好高,最勁係1975-1981年,我個朋友的阿媽話最高供過22%息的樓,當年樓價照升,是因為之前做落的按揭年期相對短,七十年代推出按揭時,只可以做5-7年,後尾只可做大約10年左右,所以當1981年升到最高息時,好多在七十年代買樓的人基本已供完,不過如果換轉今日......會好得人驚!而樓市由1981年到1997年的升浪就係不斷減息及增加按揭年期的結果,不過呢個遊戲已接近尾聲。

Lisa 提到...

由2003年後的樓市升勢是因為低息, 不過 D人的人工就無乜大升過 ! 豪宅大升是因為多大陸資金轉來香港買樓, 而二手樓就真係沒點大升 ! 我住的新界樓1991年買90萬, 1997升到380萬, 唔賣因為怕搬來搬去; 2003年跌到160萬, 依家都係值約220萬 ! 所以好多1997年時高位買貨的人都沒返家鄉 ! 如果人工可以一路跟通賬升, 咁樓市就唔會出現大跌, 除非利息去到二十里之上 !

Unknown 提到...

1997年時高位買貨的人,捱到依家既,都供左成13-14年,負資產已經少左好多好多啦,97年d人多數供20年,o者係仲差5-6年就供完,可以甩難.

Unknown 提到...

嘩,仲話無通賬????????????
大家覺得人民幣出事先,還是美元出事先呢?



北京住房每月租金升至3千元人民幣
【15:29】2010年06月14日
【on.cc專訊】 內地鏈家地產統計數據顯示,6月上半個月,北京市平均租賃價格已漲至每月3,000元人民幣(下同),較09年同期升20.3%;其中順義、大興、朝陽及石景山等外圍區域的租金升幅,又明顯大於中心城區,而中心城區租賃升幅最快的東城區,上升幅度僅1.6%。
在租賃戶型上,2居室租金升幅最快,平均租金較09年升400元,比08年升近800元,領漲全市總體租賃價格。

gogoldjoe 提到...

大陸升,遲早亦會波及全球,之前有學者認為大陸要提高加工費有難度,會令外國廠商遷到其更低成本地方生產,如越南、印度。呢種論點完全漠視左中國作為世界工廠的地位是如何發展出來。

只要睇下印度果本有幾本電話簿咁厚既出入口法律就會明,要成為世界工廠,包括左人民勤力程度、出入口法律是否簡便、匯率是否隱定、政府政策會否左搖右擺....等等的因素,就算歐美國家將生產線搬到其他地方,最終計算出來的成本亦唔一定比大陸輕,而且轉移的過程亦要付出大量成本,最終亦會轉落消費者身上。

中國成為世界工廠,就好似黃金發展成貨幣咁,係市場自然發展出來的。並不容易一下子被取替。

中國通賬先升,而歐美仍未升,只係時神未到,只要阿爺繼續容許各種工潮發生,人工的升幅早晚會反映到物價上,以今年富士康人工的加幅,iphone肯定好快加價!

目前,中國最大難度係點樣不被通賬影響到隱定,不過在中央集權的國家,我估計會比歐美容易,必要時可能會實行購物配額限制,相反歐美要實行就較難,因為會令充斥大量衍生產品的期貨市場崩潰。

patrickking30 提到...

JOE兄講得無錯,大陸因為人民的勤力程度,
先可以作為世界工廠,當然大陸都有好多人係好hea,
但相對世界其他地方來講就真係好勤力,如果論平,
非洲咪仲平,點解D廠家又唔去呀??
以前有家鞋廠都講,越南工人對組件合拼成一件完整產品
無咩概念,即係佢地唔明係咩一回事,更加唔好話不肯加班
等因素了.

我唔係廠家都明,只有D"專家"坐係辦公室指指點點姐!!

patrickking30 提到...

北京要3000銀,所以大陸點解要立即加番低工資!!

再係咁好快會過香港租金,不過到時唔知會發生咩事!!

Unknown 提到...

救命!!! 香港仲爭論緊廿蚊雞最低工資,傾得黎都已經俾大陸追過~