2010年5月3日 星期一

投資實銀方法







《買實銀實戰篇》

Kitco金拓

地址及交通:中環皇后大道中305-313永業中心5L樓

白銀種類:(1)楓葉銀幣 (2)鷹揚銀幣 (3)樂團銀幣.......等等


購買要點:

(1)直接帶現金上門購買,5000港幣以上收$20手續費

(2)大額買賣可先開戶過數,開戶方法請致電查詢2827-7800。

(3)開戶後,即可入貨,入貨後1-2小時可自行上去上址取貨。

(4)安排送貨需另行收費。

(5)購買時需收取幾項雜費,購買前請查詢清楚。

(6)除了楓葉銀幣外,其他銀產品暫時中銀不回收。


註:kitco亦有各種金幣、金磚、銀磚等出售



東洋錢幣

地址:旺角砵蘭街169-173號好旺角中心111號舖

白銀種類:各類銀幣,包括熊貓、楓葉、鷹揚、樂團......


購買要點:

(1)售價比kitco及中銀貴,平均貴20-30%,但貨源穩定。如kitco賣$160,佢地會賣$190-$210


(2)大量購買要先落訂金,取收據,數小時後取貨,通常為晚上6pm後取。

中國銀行永安集團大廈分行
地址及交通:中環德輔道中71號 / 中環地鐵環球大廈出口往上環方向直行

購買點:門口直入櫃位

白銀種類:(1)加拿大楓葉銀幣 (2)十兩裝中國長城牌銀條





購買要點:

(1)講買前「必需」先訂貨,可致電2843 6111→按2,留姓氏及聯絡電話,或到櫃位訂亦可。

(2)有貨後中銀致電通知,沒有接聽,會當訂貨者放棄,務必聽電話,來電顯示為25216406。

(3)訂貨需時不定,短則三數日,長則一個月多。(兩種在下都試過)

(4)通知有貨時,銀行會要求盡快到銀行取,銀行只會幫手最多keep一日。

(5)中銀設回收,就算發黑的銀亦會回收。

(6)中銀價為全港最平,但貨源奇缺。



大洋金幣

地址及交通:灣仔軒尼詩道209号金軒商業大廈地下A鋪 (地鐵灣仔站電腦廣場出口)

查詢:2854 0498

購買要點:

(1)只售賣中國金銀製品(銀幣為主)

(2)一安士熊貓銀幣的售價比國際實際銀價高出30%溢價

(3)熊貓銀幣全港最平

(4)成為會員後,購滿$5000有95折

(5)銀價會隨國際銀價變動

(6)設回收,回收價會參考深圳總公司價目。

(7)熊貓銀幣有分紀念性及普通,售價相差頗大





利昌金舖

地址:上環文咸東街16號地下

交通:上環地鐵站永樂街出口

電話:2542 1400

白銀種類:1兩、4兩、500克(約13.5兩)等銀條

買賣需知:

(1)白銀為利昌生產之999銀條。

(2)現金交易,大量入貨可先詢問利昌戶口號碼,過戶後再帶同收據取貨。

(3)所有銀條,以購買時金貿場牌價計算,另加火耗,1兩(+$10)/4兩(+$25)/500G(+$90)

(4)火耗費用以利昌最新公布為準

(5)買賣差價以利昌為準,並不一定跟隨金貿場牌價,詳情請向利昌查詢

(6)利昌會回收銀幣或其他公司出品之銀條,如長城銀條,銀幣則以普通銀價計算

(7)利昌貨源充足,大量購買請先致電查詢


●以上資料,包括買賣差價等可能有錯,以各購買點為準

●購買前請先致電查詢

237 則留言:

1 – 200 (共 237 個)   較新›   最新»
jasonchong 提到...

有無人試過係 kitco 買銀?可靠嗎?運費大約幾多?

gogoldjoe 提到...

我地好多人都都試過了,人地係很耐力史的公司,很可靠。至於雜費成日變,由佢開張到而家已變過幾次,我對上一次買已係半年前,而家唔知點?你可以打去問!

jasonchong 提到...

我之前係錢幣店買開,的確比較貴!聽日係辦工日,馬上打去問問。

我想請問,我之前買落的銀幣出現白點 ... 大家有否解決方法?感激!

gogoldjoe 提到...

用抹銀布一抹就會冇事,抹銀布在銀器及首飾店有售,約40蚊一塊,但不要抹太多,否則光澤會冇,第二時要出售時才抹,已經會像新的一樣。

jasonchong 提到...

感激 joe ...

想請問一下,對羅傑斯話,投資白銀比黃金更好,有咩睇法?

Lisa 提到...

白銀落後於黃金, 所以如果黃金價再翻一翻, 白銀價會追上來 !

gogoldjoe 提到...

金銀都有貨幣性(遲下舊貼精華會講),不過暫時白銀的貨幣性仍未顯露,假以時日一定會追上,且因為受操控比黃金更勁,升的話會更爆炸性,但一定要有耐性等,且因買貨勁困難,暫時得kitco較易買,但有很高溢價,故預了要看很長時間。

jasonchong 提到...

Joe: 抹銀布真的有效!非常感激!我那些老舊了的銀幣一沫就如新的一樣!需然同金幣放在一起,銀幣比較普通,但其閃閃生輝,依然感到其財富感覺。不同意楊衛隆說白銀貨幣性全失!從前美國人的銀本位時代,真幸福 ...

我亦聽過有一說,白銀的工業用途比黃金高 ... 銀礦比較分散,希望白銀早日發輝其威力!

jasonchong 提到...

請問大家對kitco 自己發行之金銀產品有何意見?

gogoldjoe 提到...

品質沒有問題,幾十年老字號,不會自毀招牌的!

Lisa 提到...

回jasonchong 和 Joe,
Kitco 牌產品最大問題係, 賣貨時的接貨能力 ! 所以我只選銀行也收買的產品, 除非你地有門路知有邊間會大量收買金和銀產品 !

jasonchong 提到...

Lisa:
kitco 原則上保証會收回自己出版的貨......
Lisa 的意思是否擔心 kitco 會無能力實現此承諾?

gogoldjoe 提到...

有冇地方會收kitco的貨?可以試驗,拿kitco的貨去利昌放,看看會點?之前我都曾經做過試驗,拿中銀買的長城銀條去利昌放,個店員一見就即想付錢給我,仲問我係唔係得一條,最後我當然冇放到。

不過我讚成Lisa所講,既然銀行有貨,回收又方便,當然是首選!

gogoldjoe 提到...

不過,我相信假以時日,若出現金市或銀行的系統危機,如ETF爆煲,咁就唔會有這問題了,到時咩地方都會收。

Lisa 提到...

kitco 都可以突然拉闊差價, 只睇佢收金價就知啦, 所以點都有 D 擔心 !

TheGoldenMean 提到...

去中銀放楓葉銀幣要唔要比我買時張單佢睇?

gogoldjoe 提到...

我見過人地放,唔使單!認銀不認單!

匿名 提到...

Hi! 見到kitco 30kg 銀比銀價仲平, 點解??
http://online.kitco.cn/cn/products-silver-hk.html

thanks!!

gogoldjoe 提到...

請計清楚,中銀銀條以兩計,另外,中銀只賣銀幣,kitco賣的銀塊,銀幣有較高的注造費的!

iso 提到...

我是新手,係呢道學到好多野,真好!!!
我有小小問題:
1)如果只儲實銀,無儲實金有無問題?
2)依家先開始儲又會唔會太遲?
3)大家有無聽過買實銀可以到利昌買?利昌是否可靠?
以後請多多指教!!

gogoldjoe 提到...

1/當前白銀的走勢仍然偏向商品多一點,但貨幣的特性將會隨住金價的上升而愈加明顯,只儲銀亦可,但耐性比黃金可能要多一點,因為白銀受人為操控比黃金要勁,另一方面,各國央行仍然黃金儲備居多。我地大部份是以金為重,白銀為副,但若資金有限,儲白銀未嘗是個好方法。

2/一點都不遲,不論是黃金或白銀,目前仍屬偏平。

3/有聽過利昌有5斤銀錠賣(約兩年前孫柏文講過),但去到未必買到,聽講利昌會問東問西,或者要係首飾商才能買到,但我未試過,不肯定,你可以去試試,但我估計成功機會不大。

4/任何人賣貴金屬,都要守香港商品說明條例,利昌乃老行尊,賣假貨的機會微乎其微。

匿名 提到...

Joe大大,唔好意思,先來一個道歉先,我係Yahoo上面的Silver51124773,即係先前無事先徵求你同意用左你銀條幅相做display,宜家幅相已經換番,真係Sorry Sorry!
其實我do一直有追開你寫既野(一直係CD ROM!),真係擴闊左小弟眼界,最重要係知道自己未Qualify響投資市場上打滾!
今次除左來負荊請罪之外,其實我因為私人理由想賣d銀條同熊貓銀,由於係私人賣,同埋主要想散番比lee度D C-Hing,等想買實銀既C-Hing唔使周圍撲,所以個溢價會係低D,會平過我Yahoo個價.(10兩銀條hk$1800,1oz貓銀hk$190)
我明白此終涉及買野賣野,如果Joe大大覺得唔appropriate既話,就屏閉左我lar,相反如果你覺得影響唔大, 但可以幫到D C-Hing(尢其係入門c-hing)平過出面買到實銀, 就留下我個post lar!
我既contact係TEL:51124773, email: silver51124773@yahoo.com.hk
N.B.銀條同熊貓銀do係以前響中銀同大洋買落

Thanks Joe大大!

gogoldjoe 提到...

其實冇乜野既!只係市面上曾出現過假銀,有師兄擔心被人用左來做非法勾當,而家清楚左就冇問題!

不過,我有個問題想問?你點解會賣銀?係等錢使?定係想轉銀為金,其實如果數量唔多,由得佢放響度都冇咩所謂!

匿名 提到...
網誌管理員已經移除這則留言。
gogoldjoe 提到...

各位:

不好意思,與幾位主要網友商討後決定後,認為這個blog應純粹以交流意見為主,不應成為金銀買賣平台,所以暫時請不要post有關個人金銀買賣的宣傳。

chowcc 提到...

版主, 你好! 我看這裡都有一段時間, 其實一直也有問題相請教, 例如為什麼不返大陸買熊貓銀幣呢? 平很多啊~ 還有大陸官方認可的寶泉銀條也好像很不錯... 因為在HK買方便些? 還是因為有出入境的限制?(我太不清楚), 但因見有台灣人都過福建買銀所以想提出來討論下~

我未買過銀(應該話金銀鑽一件首飾都無XD), 但除股票外想買其他平衡下, 所以對銀這方面還心大心細, 觀望了1,2個月吧... (金入場費太高所以看銀...)我常返大陸, 所以有此一問 :P

gogoldjoe 提到...

回chowcc:

1/大陸對金銀出口有非常嚴格的規定,例如金不可帶超過一兩,銀我未查過,但應不會太多,可能是十兩八兩,如此,帶銀離境就有機會觸犯法例。

2/大陸的熊貓銀幣雖較便宜,但曾出現過假貨,香港的商品相關法例會較有保障,所以傾向在香港買,其實網上(淘寶)亦有很多熊貓銀幣賣,但真假成疑,不敢亂買!

3/最近利昌有銀條買,我剛剛打過去問(上星期),但已有人在密密入貨,要買就趁手。

4/如果你常回大陸,那不妨每次買些少銀幣,不過你可先在大洋買幾個,細心地觀察,那會更容易分真假。

chowcc 提到...

謝謝Joe版主解答~!! 咁下次過海關時我去問下些關員, 中國是白銀出產大國, 可能會無金出口咁緊... 我見討論區的台灣人買得好誇張... 不過都係問下官方穩陣些...

我覺得這2個web可能有用, 比大家參考下:

上海白銀網
http://www.shbyw.com/Article/ShowClass.asp?ID=89
中国金币網
http://www.chngc.net/old/

我下次返上去會係佢地指定的售賣點看看8掛一下, 應該會穩陣些吧~ :D 請問利昌的地址是在那? 這2天過去看看~~ :P

gogoldjoe 提到...

利昌資料可網上找,很易!

匿名 提到...

我昨日去kitco, 她們對我說暫不回收她賣出的加拿大楓葉,她說最快要年尾有機會有回收.

小C9 提到...

HI, JOE,
我係1個小C9. 我最近先看到有個咁正GE BLOG. 我先前買咗小小金幣, 啱啱係KITCO開咗A/C (睇完你個BLOG). 想用囝囝同囡囡D利是錢買D銀幣, 宜家仲買得過嗎? 如買, 我想買楓葉銀幣同100OZ 銀條, OK 嗎?

gogoldjoe 提到...

唔使咁客氣,小C9,看長線及當作分散投資,而家買絕對沒有問題,銀幣或銀條都可以,另外,利昌的銀條亦不錯,可以考慮。

小C9 提到...

Joe,
謝謝你的意見!

Johnny 提到...

請問各位兄弟幫幫忙,真想一問,如利昌將來唔買唔收銀,咁買了的銀絛可以去什麼地方放?因為我沒有太多資金,所以想知道清楚些.請多多指教.

gogoldjoe 提到...

如果資金不太多,隨時要急用,咁就唔好買太多,記住,銀要看好長線,一定要是閒錢!因為交易規模及途徑比黃金少好多。利昌如不收,我就不會放了,反正銀又不會生秀腐爛,放三十年留俾下一代都一樣得。幾千年歷史,黃金白銀從未失去過價值,反而長渣股票會驚d!買銀一定要有這種視死如歸的心態!

Eric 提到...

如果資金不太多..隨時要急用..好最買加拿大楓葉銀幣..因為認受性高and,多地方收!!

小C9 提到...

JOE,
請問儲金同銀既比例幾多好呢?

gogoldjoe 提到...

我大約是金5:銀1,資金多的,以金為主,銀為副,資金少的,可銀為主。不過這只是建議,一切要視乎每個人有多少閒錢,記住,要是閒錢。

小C9 提到...

JOE,
謝謝你的意見. 我啱啱計過, 唔計我D手飾, 我現在大概2:1. 等我諗諗再重新部署吓先. 哈哈.

otherworld 提到...

Joe,

你好,謝謝你把這麼多心得PO出來,我在這裡逛了兩天,真是獲益良多。

我有一個小小問題想請教一下,香港買銀的地方除了你提到的那幾個之外,還有沒有一些可以代購其他國家銀幣的機構或服務呢?

我喜歡銀,除了它的貨幣性之外,還有它同樣可以吸納到發行國家的各種特殊特徵,而且沒有金價那麼貴。(窮人一枚~)

有時候看到其他國家發行的銀幣,覺得很喜歡,但是又不知道該如何入手,真是相當苦惱.....像是最近才發現的白俄羅斯星座紀念銀幣,不知道哪裡會有得買/代買呢?
http://www.chngc.net/old/gjjyb/2009-5-5/2009-5-5.html

匿名 提到...

我想問,買maple銀幣時,kitco和中銀供應的是有套定係無套的呢?

兩者在回收時又有咩影響同分別呢?

我淨知道無套的銀幣回收價會比較低,但若果我自己用套裝起呢?

gogoldjoe 提到...

回MK,紀念性銀幣,可到東洋錢幣問,老闆仔非常好人,又有經驗,他曾開過夾萬給我看,連印度銀磚都有收藏,他應可幫到你,但肯定要收代購費用!

gogoldjoe 提到...

有套高d價,但又賣貴d,冇套賣平d,但回收價又低d,所以分別不大,金甲蟲看重是黃金本身價值,故喜歡冇套,所以一有就會給人搶購一空,現在銀行很少有賣,次次問都冇,所以想買都沒有辨法,只好買有套的。

gogoldjoe 提到...

如果可以個套做到跟銀行的一模一樣,應可賣高價,但應頗麻煩!

匿名 提到...

我今日去了大洋,想買熊貓銀幣,點知個職員話一個要成$410。

我問佢是不是普通的那種,佢話是,但現時銀價都唔會話去到1 OZ銀幣這個價錢的地步吧.....

@_@b

有冇去過大洋買熊貓仔的人可以講解下,究竟是不是我問錯了問題呢?

p.s.大洋的sales態度好差,見我著得hea就愛理不理,標準的勢利人.....= =

CK 提到...

你問那一年的熊貓銀幣, 不同年分不同價錢。今日大洋的網 2010年的熊貓銀幣是$340

匿名 提到...

駛mud理佢d眼神, 鍾意咪買lor

買幾多, mud 原因, 關d sales 鬼事咩!

:)

匿名 提到...

我問佢地2010的普制熊貓銀幣價錢,個SALES話是$410,再問2009年,是$460。(時間:2010年10月29日中午)

難道官網跟經銷店仲有各種additional charge造成門市價的不同?

其實我也不是會介意人哋眼光的人~但是今日入到去,每一個問題都問好幾次先有人應,明明當時是無客的,所以覺得好火.....

再加上我問佢點解D銀幣貴咁多時,佢懶洋洋回一句:我哋呢D是有收藏價值的銀幣,不是一般果d銀幣o架~

真係好不知所謂。

匿名 提到...

The sales there really do not know what they are selling. They look the coins from a very different perspective from the goldbugs. Let it be. Since we won't buy a lot from Tung Yang for its wide spread.

匿名 提到...

各位師兄師姐!我想問下,本人有熊貓銀幣氧化,個幣邊藍黑色!請問有冇方法處理呢?用抹銀布可以嗎?唔該!

lokching 提到...

I went to kitco to buy silver maple. They said they will move office within these few days. The new office will hv equipment for buying back.

lokching 提到...

James Turk said silver will reach 30 within 18 days several dats ago!

匿名 提到...

新手一名,現對投資金/銀大興趣,但在這方面所知不多及資金有限, 有如下問題?

1.黃金和白銀其實保值能力是否一樣?
(因為我見大多數人都係買黃金多)
2.若果買黃金,以實金計,是否不好買金飾,而要買一條條的金磚和金幣較好呢?
3.白銀是否都係買一條條的銀磚比一個個的銀幣更為保值呢?
4.一條金磚或銀磚通常有幾多兩? oz?
5.常見人買的銀幣都是鷹揚和加拿大楓葉, 為何呢兩隻較為歡迎? 是否變現能力較高?
6.在香港買是否比起外國訂購回來便宜呢?

ABC

匿名 提到...

無人識答?

fm ABC

匿名 提到...

打去中銀問,話銀幣巳經好耐都無貨~
同埋有貨先比訂~
你0地買個時係咪咁0架?

匿名 提到...

有冇金甲知道銀行保險箱邊間好 ?

Thks in advance

gogoldjoe 提到...

間間都差唔多,但東啞及猩展發生過失竊事件!痕生較不錯!

Lisa 提到...

1.黃金和白銀其實保值能力是否一樣?
(因為我見大多數人都係買黃金多)
>因為黃金升咗好多, 所以專家以為白銀會追落後 !

2.若果買黃金,以實金計,是否不好買金飾,而要買一條條的金磚和金幣較好呢?
>飾金差價大, 最少差價是銀行的金條 !

3.白銀是否都係買一條條的銀磚比一個個的銀幣更為保值呢?
>銀幣有較大溢價, 因為整都要手工費嘛 !

4.一條金磚或銀磚通常有幾多兩? oz?
>少至幾克, 大至幾公斤 !

5.常見人買的銀幣都是鷹揚和加拿大楓葉, 為何呢兩隻較為歡迎? 是否變現能力較高?
>比較出名哇 ! 最純銀幣是楓葉 !

6.在香港買是否比起外國訂購回來便宜呢?
>香港比外國平, 除非你有人直接去 mint 公司幫你一箱箱咁買 !

Larry Milano's Den 提到...

1.黃金和白銀其實保值能力是否一樣?
(因為我見大多數人都係買黃金多)
-->其實兩隻貴金屬都可以保值,不過我相信黎緊 5 至 10 年銀既上升能力會比金更大。不過賣銀真係好麻煩。一,可以買到銀條既地方吾算多。二者銀比金真係又大舊又重。有人話一個保險箱可以放價值超過 900萬既黃金,如果要放等值既銀,你可能要開 30-40 個箱先得。就算吾係好多錢既銀已經幾重,我就試過買銀果時壓爛左一部買送用既車仔,價值 $160 大元。未見官先打八十。

Lisa 提到...

壓爛車仔咁勁, 你買好多啊 !
銀最麻煩係收藏, 所以買唔到幾多 !

Larry Milano's Den 提到...

同 E 度 D 金甲比,我點會算賣得多。

nazis333 提到...

中國金銀幣我已經玩了多年,可以解答大家小小問題,如果在香港大洋買2010熊貓銀幣,價錢大約HKD410,但在深圳購買就只需280人民幣,溢價相差很大,所以收藏開這個玩意的人,一般不會在香港進行買賣。

購買1OZ熊貓銀幣也有一點要留意,如果是用來投資,我建議你們去購買一版30隻的原封銀貓,因為在出售時價錢會好一點。

如果大家有什麼不明白的地方,可以到我 BLOG 找我,我樂意解答我所識得的問題。 http://hk.myblog.yahoo.com/jw!rG52nLScEQ1l8D3jET3t

小C9 提到...

nazis333,
我今日啱啱經過灣仔大洋, 2010 1OZ熊貓銀幣賣緊hk$350; 個sales仲話買60個以上有9折=hk$315 < rmb 280 喎.(去SZ 仲要比transportation cost). 不過, 我都想知如果喺大陸買silver coins 要喺d乜野shop先可以找到? 謝謝!

gogoldjoe 提到...

大陸帶貴金屬出口有嚴格限製,捉唔到事,捉到就大件事,充公不特止,分分鐘要扣押,製唔過!半年前有港人帶幾斤黃金出境被捉拿,而家唔知點?睇怕坐緊監!

nazis333 提到...

小C9,

其實所有銀幣的價格都是天天不同,如果大洋定價在HKD315,應該是買得過的。一般來說是大陸先開價,大洋在晚上會改牌,有時亦會有執漏的情況出現。

大陸帶貴金銀幣出口的問題,我也咨詢過中國海關,一般來說金幣不可以帶多過50克出境,銀幣帶200克或3-4個都沒有問題。

匿名 提到...

請問到深圳呢間買銀幣制唔制得過 ? 謝謝師兄/姊
http://www.szgc.net/category.aspx?NodeID=48

nazis333 提到...

你可以唔使去,因為佢d貨早就比人清晒,加上每人只可以買一枚同款產品。

上金山書城頂樓啦 !!

nazis333 提到...

c9 .... 今日2010銀貓價格是268人仔

http://www.jibi.net/newclub/dispbbs.asp?boardid=28&id=210628&page=&star=23

小C9 提到...

nazis333,
咁即係同大洋差唔多.

nazis333 提到...

268人仔 / 0.853 = 314

即係買得過 !!

小C9 提到...

nazis333,
但要最小買60個喎! 佢地收唔收credit card ga?

nazis333 提到...

梗係唔收啦 .... 仲要係 CASH !!

小C9 提到...

nazis333,
ic. 咁我prefer 去kitco買maple silver coins lu.

nazis333 提到...

根你分享一下金銀幣的買賣

我媽30年前買了幾枚美國、英國及澳州的金幣,到了今時今日拿出來賣,原來只能當金價出售。後來發現,原來楓葉、鷹揚 .... 幣都是無限發行的,所以在收藏價值方面等於零。 http://hk.myblog.yahoo.com/jw!rG52nLScEQ1l8D3jET3t/index?l=f&id=19

中國的金銀幣是限量發行的,每套亦會列明發行量是多少,當然發行量越少,日後的價格大有可能會越高,如在09年的時候,買了一套金銀幣給太太做生日禮物,當時的價格大約是3600人民幣,現在出售的價格已經升到7200人仔。所以買金銀幣的同時,亦要先清楚了解當中的歷史及運作,這才可以收到投資的最佳效果。

買中國的金銀幣另外還有一個好處,除了享受到金銀價格的升幅,亦可以得到人民幣升值的間接利潤,這就是我投資在中國金銀幣的原因。

nazis333 提到...

如果好像孫柏文所說,銀價在幾年內會到120美元,請問一個銀幣貴十元八美元塊的溢價,對日後的收益會有影嚮嗎?? 萬一銀價大升只是一個傳聞,十年後的價格跟現在一樣,你現在投資的在毫無收藏價值的白銀上就不能對抗通漲,更加要蝕買賣白銀上的差價。

nazis333 提到...

小C9,你今天到KITCO買楓葉銀幣,我就用HKD315去買2010銀貓,每人各買30枚,2個月後一齊去出貨,看看大家的銀幣可以賣出多少錢 !!

小C9 提到...

nazis333,
多謝你的資料和分析. 我唔係唔同意你既講法. 只係每個人既興趣同投資方向唔同. 我買銀只著重佢既價值(同唔信BANKNOTES), 至於升值潛力, 我會買郵票LOR. 一樣係人仔(中國郵票), 一樣係限量, 年中買果D, 宜家有D都升咗一倍. 如果每樣有升值潛力都要買, 我怕我唔夠資金. :-)

P.S. 我今日冇去KITCO, 今日銀價太高LA. 同埋我都要儲儲錢先可再入貨:-)

Lisa 提到...

無錯大陸好多人鍾意炒賣, 不過 97年時都試過炒燶郵票 !

小C9 提到...

Lisa,
係呀, 所以郵票對於我黎講, 係收藏, 唔係投資.(唔會放咁多資金係到)。 我好細個已經開始收藏, 呢D係我D心頭好:-)

而白銀對於我黎講係因為QE, 所以唔睇好BANKNOTES。 JOE 喺另外一個POST講咗我想講嘅野(我唔識好似亞JOE咁叻,可以表達得咁好)。 :)

nazis333 提到...

中國郵票我又有買,不過都只係收藏為主,最多買2-3張版票或小版,2003的小版真係升得唔錯,如果一包一包咁買,真係唔野小呀 !!

記得中學時期買了很多中國郵票,現在有些票都上了幾千元一套,但可惜所有票都只得一套,升多少都不捨得賣 !!

wkw731089 提到...

在下算係儲實銀或實金新手,請問我想同中銀買現銀十兩重長城銀條同一安士楓葉銀幣,我想知如果同一般中國銀行分行買有冇得買?定係一定要去中環間分行,因為本人係想每個月買幾百蚊當儲錢,個個月去中環又幾煩,同埋有冇其他銀行可以一去到分行就有得買實銀銀幣或實金金幣,唔該晒!!!

wkw731089 提到...

我本身有中銀貴金屬戶口同儲蓄戶口,會唔會方便d?

金多祿 提到...

中銀貨源短缺,要電話預訂,可在中環總行or德輔道中分行訂購但係要等好耐,其他買賣地方在呢個blog 內可充份找到!

匿名 提到...

請問如果我想以最快速度係銀行買到楓葉銀幣,可以去邊間銀行買,最好唔駛訂貨,一去到就有得買,以楓葉銀幣為例,中銀買賣差價係8蚊,有冇其他銀行都有得買,差價係十幾蚊都冇問題?

補充:冇戶口或現金買得

匿名 提到...

我係買楓葉幣黎擺落夾萬,楓葉金銀幣定中國熊貓金幣升值潛力高d?

gogoldjoe 提到...

現時只有中銀有楓葉銀賣,且一定要訂,不能即到即買。要即到即買只得錢幣店有,但溢價奇高,接近30%。

LOUIS 提到...

各位C HING, 如果買左KITCO既10安士銀塊,可以到那裡賣呢?因為見到KITCO網本身自己公司都唔回收=.=?
同埋想問一下關於銀既存放方法,如放在家中,有咩方法可避免銀出現氧化等等問題?
感謝~!

gogoldjoe 提到...

回louis,請參考有用資訊內的文章,定可解嗒到你旳問題。

caprontv 提到...

今日收到KITCO EMAIL話已經有Bullion Buy Back Service.

Bosco 提到...

剛剛發現香港Kitco既1Oz同10Oz銀條又已經無貨,系外國Forum有人話拒剛剛去香港Kitco買銀,有Kitco員工話拒知,100Oz銀條下個禮拜都好大機會會賣曬啦。。。

小C9 提到...

Bosco,
咁我又覺得唔使驚, KITCO主要係買/賣 金/銀賺錢, 佢地一定會補貨, 唔同BOC有其他BUSINESS, 唔賣銀(長城)仲有其他野搵錢. ;-)

Bosco 提到...

>咁我又覺得唔使驚
咁我又唔系驚 :)

匿名 提到...

想請問一下, 如果純以買楓葉銀幣的話
KITCO, 定係 中銀抵 d 呢 ? (假如兩邊都有貨)

另外, 我係中銀買過, 有套
但 kitco HK 買既, 係一筒筒無套, 是嗎 ?

謝各位師兄師姊解答

匿名 提到...

1) 以前中銀抵好多,依家差不多.
2) 是.

自在人生

匿名 提到...

其实在利昌买一条15公斤的銀条大约410两,就最低.什么费用都唔使,不过这些银条已经無货了.

匿名 提到...

中銀今日打俾我,話我之前訂的silver maple有貨了~

但之後上官網睇價,佢地個silver maple已經是$255一個,仲貴過kitco($254.71),明明之前無咁貴架.....

依家都唔知好唔好去伶.....

匿名 提到...

師兄: 我早二日中銀叫我早前訂500個已有貨,仲要$260啦,你可以唔買架.

匿名 提到...

師兄,
請問中銀可以容許你們多少天才去買貨呢?

小C9 提到...

我有冇睇錯?! BOC (@$260)賣楓葉銀幣仲貴過KITCO (@$256). :-O

阿man 提到...

除了銀幣銀條銀粒銀磚外,那裡有賣有觀賞性或實用性的銀器嗎?

Gordon 提到...

唉,前排白銀落番$28個幾時,已經想再入貨,奈何利昌遠在上環!,今日上到$31了...
如果落番$30樓下,請假都要去了!

小C9 提到...

Gordon,
你聽日有機會入貨LA, 而家30.07 JA :-)

匿名 提到...

請問各位金/銀甲蟲 九龍區除左東洋 重有無其他賣實銀的地方呢 ?

中銀九龍分行有無得賣呢 ?

Thanks,
新甲蟲

小C9 提到...

Gordon,
今日有冇請假去利昌入貨呀? 我今朝去咗入dd la. hehe..

匿名 提到...

琴日入左DD~今日就跌:-(

Gordon 提到...

今日公司勁繁忙,甩唔到身過海,慘!不過今日入定子彈落銀包,我唔同joe兄或富媽隨時有成十萬蚊cash買貨,準備現金加時間安排最快都要星期五先去到,慘慘慘呀!
$29個幾銀價,等我啊.....

gogoldjoe 提到...

雖然我都不想他再跌,但若能令gordon買到平貨,都沒所謂,反正要升的,始終要升!

Lisa 提到...

多謝 Joe 的介紹, 今日第一次去大洋, 買咗2010熊貓銀幣340蚊一個, 其他記念銀幣貴到 O咀 ! 之後去東洋; 東洋2010熊貓銀幣還是賣 380一個, 其他銀幣乾塘, 只凈返一個鼠銀幣330蚊我都殺 !

小初哥 提到...

就係因為冇時間, 我去KITCO訂maple:)
我都想去利昌買下...我未試過

Gordon 提到...

hohoho...i have bought already at li cheong on today. 500g x4 bar. i think that 500g bar is beautiful than 4 leong bar

Lisa 提到...

上環利昌 http://hk.myblog.yahoo.com/iam-lisagallery

金錢一一 提到...

小弟尋日試驗性咁一次過行哂大洋,利昌同埋Kitco去買銀,
大洋嘅貨品很多,個Sales又好鬼落力,結果就因為唔知買邊樣好,所以乜都無買到。
去到利昌,俾我感覺似檔鋪多D,問個掌櫃,知我未買過,同我解釋咗一輪後,我就試驗性咁買咗一兩銀。
再跟住版頭個地址去Kitco,至知搬咗...

Gordon 提到...

請問利昌的銀條500G銀條再上的式樣係幾重呢?有無1KG或者3KG/條?

有人買過嗎?手工費點計呢?

匿名 提到...

Joe,請update此版頭Kitco的地址,謝謝!

匿名 提到...

>請問利昌的銀條500G銀條再上的式樣係幾重呢?有無1KG或者3KG/條?
曾問過話未有

匿名 提到...

我從未買過銀, 利昌與KITCO 買銀條有什麼分別?(差價/質量)
要不要先開戶口呢? 除了銀價外, 還要付什麼費用呢? 有什麼要留意? 謝謝提點.

金甲超人 提到...
作者已經移除這則留言。
諾克 提到...

利昌3條9, 金拓4條9

匿名 提到...

我在中銀訂Maple超過兩個月都無下文,怕miss了電話,等了一個多月已經自動打去問,那個蘇小姐依然說沒有,她說沒有人放貨出來,我話:吓?mug唔係幫我訂貨咩?她說:係,不過唔知幾時先至有.
如果唔係貪中銀差價少,我都唔會幫襯拒.
nlpsonia

匿名 提到...

如果想買100安士長線投資, 大家會選擇"Kitco100盎司澆鑄銀塊"邋是加拿大楓葉一安士x100?

匿名 提到...

我想去kitco買大額銀幣, 但需要登記, 大家認為登記危險嗎? 第日政府會唔會改例話擁有金銀者必需充公俾國家?

匿名 提到...

樓主我俾你玩死, kitco係皇中唔係皇西啊~~~~~
kitco都好恐怖, 落閘放狗...又唔俾用EPS, 臨急臨忙只按到2皮出來買...

匿名 提到...

美國鷹揚銀幣 加拿大楓葉銀幣
投資邊隻較好 Kitco 鷹揚回收價較高
如何保存較好 要買防潮珠嗎
放幾耐會變色

Thx 各位指教

匿名 提到...

>樓主我俾你玩死, kitco係皇中唔係皇西啊~~~~~
kitco都好恐怖, 落閘放狗...又唔俾用EPS, 臨急臨忙只按到2皮出來買...

睇黎呢個師兄無做足功課就上去

Lisa 提到...

係囉 !
Kitco 網上已寫明交收方法 !

Bosco 提到...

剛剛系Kitco入左個MonsterBox,銀價做緊$33。
原來而家Kitco既Maple銀幣無曬一個MonsterBox裝而系一個個膠帶獨立包裝,同中銀一樣。
但我覺得咁樣好難擺,所以轉左買Eagle。
我買親都系短期頂位架,看看今次點先:)

匿名 提到...

落閘放狗?唔係吧?

匿名 提到...

Bosco兄, 你既意思係每個都有膠套?
會唔會係2011新版,咁樣中銀咪有可能用佢網頁個價收返?

eddie

匿名 提到...

2010.
Kitco's staff replied that there were two kinds of packaging of silver Maple.

Bosco 提到...

Eddie,系,同中銀賣既一樣。
但我唔中意,因為擺位好“曬”地方。

匿名 提到...

Bosco 兄, 請問Monster Box 係唔係, 25個一筒, 黃蓋果隻 ?

會唔會買 25個的話就會係一筒筒咁, 25個樓下就膠套 ?



CDROM

匿名 提到...

CDROM,唔係.Monster Box那種已經賣完.而家係膠套包裝,與在中銀買到的一樣.

匿名 提到...

上網見到圖了, 謝謝

但 MonsterBox 條邊都幾厚 唔算太 Slim


CDROM

匿名 提到...

咁好唔抵 中銀一隻用銀幣價收 一隻用銀價收

匿名 提到...

實銀價仲要110蚊一兩
人白痴?

Lisa 提到...

到銀價去到 50蚊之上, 就會自動有人出來收銀, 就好似依家黃金咁 !

Lisa 提到...

50美元 !

Gordon 提到...
作者已經移除這則留言。
Gordon 提到...

Lisa, claim down, do you forget Bosco just bought main sliver coins? I am considering to sell back my sliver bars to Lee cheong...

匿名 提到...

gordan兄,

點解咁快賣返d銀出去?

Gordon 提到...

Eddie, 講下笑JI, 我想食番Bosco話佢買親都係短期高位既回應而已.

Lisa 提到...

Bosco 講得好岩啊, 今日佢買咗跌過去 32.39 XD !

Bosco 提到...

哈哈!系啊,我系燈神來架,不過我仲系好開心啵,因為拒唔升咁快,咪者系比機會我買多D實貨者!

gogoldjoe 提到...

唔好升咁快!俾d機會大家再買下!

FEIFEI 提到...

各位好...我之前响KITCO買楓葉銀幣係一套十個的,仲有RCM啲字,個肥哥哥同我講仲有收藏價值,後來再想買多啲就無嗱...只有一筒25個裝..

SeaCo 提到...
作者已經移除這則留言。
SeaCo 提到...

各位,若有足夠的資金,你們會建議一次過買一條100盎司的銀條嗎?
定還是分散購買不同種類的銀幣。
Kitco現在只有100盎司的銀條。

kidthief 提到...

100 oz less premium (cheaper for you as a buyer)
if you see the government(currency) failing than basically u cant use 100 oz to do daily shopping

chapman 提到...

it is still possible to split the 100oz into pieces...it's just a piece of ductile metal

Lisa 提到...

Kitco 銀兔又斷貨啦 !

SeaCo 提到...

kidchief, chapman: Thank you!

SeaCo 提到...

Lisa: 總覺得Kitco的三款澳洲銀幣中,兔年那款的造型最唔突出;但也是最貴。:P

Lisa 提到...

兔年銀幣最貴, 因為發行量最少 !

Bosco 提到...

大家看路啦,我今日又系Kitco入左貨,所以短期銀價應該會頂啦,哈哈!

嘉芙蓮 提到...

kitco有無邊隻無貨? 費事行一轉, 打的落去買到1/3個, 謝謝大家

鬍鬚仔 提到...

bosco:你入左 d 乜呀?唔該入多 2 轉呀,今夜銀價好似又新高喎.

Gordon 提到...

係囉,bosco係咪有新心得啊?你唔係啱啱先入左個monstor咩?呢排咁重手入貨既,又係backwardation睇到野?

Lisa 提到...

回 Katherine,
去 Kitco 網頁睇 !

Bosco 提到...

鬍鬚仔,都系ASE啦,想試試Kitco仲有無Monster Box嘛。

Gordon兄,唔系架,我系有錢就買,基本唔會去Time 個 Market,自問唔系神仙。不過,見US Mint都開始要同D Authorized Dealers配給Silver Eagle,我又點可以唔趁下熱鬧呢。

匿名 提到...

關於如果購買一些實銀,例如我買一些銀元寶、銀條、銀元,有一些可能已用了幾十年,到我手既時候如果我直接用保鮮食物既保鮮袋放條銀條入去,封實個口,再放入格萬,如果我放一年半載,會唔會係減低氧化既最好方法?

ring~ 提到...

blog主及各位,
大家好,我是買銀入門初哥(現在其實是一個銀也未買)想問如果去KITCO買銀,$5000以上要收$20手續費,那麼$5000以下就是完全免手續費嗎?
如我每次去買兩個銀幣,每個$300元,我就只付$600就可以了嗎? 還是有其他雜費呢?
我看了KITCO整個網頁,沒有提到可上門取貨,只有提到寄貨的費用...現在是否不可以自行提貨了呢?

總括來說,每次多買一點會比較化算還是逐少逐少買比較好呢?
因我收入不多,我每月只能撥一千幾百元「閒錢」來作個長線投資...我不知應該儲落一定金額(如數萬元)才買,還是每次入一些才好...請問可給我一點建議嗎?

希望大家不嫌我笨,我真的很虛心向大家求教,希望大家幫幫我吧,謝謝

gogoldjoe 提到...

銀價近年升得好快,未來亦會,儲定一大舊錢才買不及續少買好,記憶所及,600元應冇任何手續費,但一切以kitco作準,詳情可致電查詢,店店有禮!

匿名 提到...

回ring & Joe,kitco已在14/2取消$20收續費.我看見ANN報導過,然後自己親自打電話去問,確實如此.
nlpsonia

Gordon 提到...

無上網一日,d銀升左1蚊!bosco,你轉左運啦

Gordon 提到...

回3月4日匿名,高純度白銀不會和空氣中的氧氣發生作用,只會和空氣中的氫化硫發生作用,所以,只要你個夾萬可以防火,就已經隔絕空氣,不用包保鮮袋的.

kannyfai 提到...

我見到我d999鷹揚銀幣 正面有d 銅色....why??

ring~ 提到...

多謝各位回覆
我看了本Blog的資料,好像說kitco的自家出品,中銀及其他寶號不一定會收,想問最保守的策畸是否買中銀都有得賣的白銀產品,最為穩陣呢?
因我現在本錢不多,亦只能逐少買,是否買銀幣最好呢?
如白銀保存不好,氧化發黑,會降低回收價值嗎?

謝謝.

ring! 提到...

另外,我還想問一件很重要的事,對於我這種小投資者,每次只買少少(一千幾百),我應該等跌價才入手,還是一有閒錢就買?
因為我完全不知道什麼時候才會跌價,如果一直等,可能不知等到何時才入好.

謝謝.

Bosco 提到...

Gordon,遲D你就知,我燈神並唔系浪得虛名既。

ring,

1)中銀而家根本無咩銀賣,呢到好多師兄都系中銀留曬名要銀,我留左1年都系買過一次咁大把。

2)至於回收。其實你真系唔好太擔心呢樣野。銀價越升,只會越來越多回收途徑。Kitco都系近呢一兩年先系香港出現。

3)我會建議Dollar-Cost-Averaging,即系有錢就買D,你好難Time The Market

4)如果本錢不多,反而建議你買銀條(如利昌既4兩條),Premium最低。

ring~ 提到...

Bosco 兄和各位,
大家好.
謝謝指點,但看到blog中有人提及,利昌的銀條是999,不是9999,所以才會比別人賣得平和抵...想問這是什麼意思呢? 999的價值是比不上9999嗎? 是純度問題還是回收的價值?

另外,簡單來說,新入手白銀的取決條件是什麼呢...是不是挑越便宜就可以了呢?

我真是太遲才行動了,現在想去利昌買應該也沒貨了,而且也不知一兩多少錢...是不是可以每天打電話去問呢?
還是有其他方法查到當天牌價是多少?

煩請賜教,謝謝

匿名 提到...

上到US$36.4 了

Bosco, 你做唔到燈神了

--
金電視

匿名 提到...

新手一溫... 其實個銀價係點計算架? 比如話今日美金價係$36.4, 但係點計先計到利昌今日個價($346)呢?
我計極, $36.4 * 7.78 點都係得$284... 請恕我愚昧...

匿名 提到...

1 兩 = 1.20337 oz
The price = 284 * 1.20337 = 341.6

PC

匿名 提到...

請問有無"利昌"的website?
現在買銀會否太貴/太遲?

窮小子上

Franco 提到...

我經中國銀行貴金屬戶口買了大量倫敦銀(非實物)作投資, 請問這方式與買實銀比較,最大風險是甚麼?

gogoldjoe 提到...

回franco,請看精華文章之枇杷膏的秘密!

Franco 提到...

Joe, 謝謝你的文章, 十分精彩, 明白了解!

horizon 提到...

hi joe

what do you think is a acceptable premium to buy over spot in Hong Kong for regular silver bullion ( 10oz - 100oz )

thanks

gogoldjoe 提到...

回horizon,溢價成日轉架,好似中銀剛剛就轉了,與kitco體齊,所以好難講!

匿名 提到...

您們好,
小弟昨天第一次在中銀買了傳說中的十兩裝中國長城牌銀條.
但一看銀條上只有"寶生"字樣,并沒有什麼長城的字樣. 請問這就是長城銀條嗎?
因第一次買所以愚昧一問.

thanks

匿名 提到...

更正一下, 是星期一, 不是昨天

thanks

匿名 提到...

好消息,金拓買滿500個楓葉銀幣,每個平7毫多美元。每3000個,每個平9毫幾,今天買了一盒。

匿名 提到...

請問銀幣/金幣(不是指古幣)會否有外來因素(例如發行量、收藏價值等等)而影響其本身價格?如果有,大約需要保存多少年才有這個影響力?
而若用來保值,應該買銀幣/金幣還是銀粒/金粒?(指相同重量)

Unknown 提到...

Any one has bought from "Swiss Investors" before? www.swiss-investors.com

Please enlighten me!! Thanks!

匿名 提到...

ihave bought from Sic before, their bars are very nice, most important they buy back. i bought a piece of 500kg at around 30000 many months ago, yesterday i asked to sell they quoted 52000. i think its ok

匿名 提到...

星期一終於去了買人生第一批白銀!^^
出發前曾致電中銀查詢,客服說現在沒有銀賣,也沒有說可以訂(但我也一時忘了可否訂購)。請問是否表示連訂都不能訂呢?

gogoldjoe 提到...

可以訂,但好難講幾時有,有師兄等足9個月!最好還是利昌!

匿名 提到...

請問有沒有師兄師姐近星期去過利昌買銀呀? 我想知大約幾錢一兩? 還有佢(利昌) 有冇回收呀? 差價大約多少? 謝謝....

匿名 提到...

小弟2000年之後買金銀保值,初初買既時候,d銀還只是四五十蚊一兩,一直揸到今時今日,突然發覺吾道不孤,起初,d金抽上四五百蚊一安士既時候,就見到d婆仔急不及待拎晒d金器出來賣,當時的情景還歷歷在目,不知大家有沒有興趣交個朋友,分享一下心得

送一個小貼士比大家,d銀條,唔洗咩特別方法保養,玩到黑左,買舊靚既圖擦子膠,擦幾下就即刻靚仔晒,靚晒

匿名 提到...

小弟是alex,請多多指教

Siu 提到...

大家好!,我是新手,朋友介紹睇呢個blog..得益非淺.. 想請問吓咩係UNC SILVER?

匿名 提到...

嘩! 原來Kitco 地址係皇后大道中, 唔係皇后大道西. 差D行到腳「脾」. 仲有已改命做「金拓」, 唔係叫「金之國」.
最好啊joe哥改番佢啦, thx.

Louis 提到...

想問一下,本人有一些KITCO銀幣,請問在哪些地方放會有比較好的價錢呢?感謝!

匿名 提到...

大洋既2011熊貓銀幣,今日已經500蚊一個,真係恐怖!!!

gogoldjoe 提到...

sorry,資料已更新!

gogoldjoe 提到...

回louis,都係kitco最好!

louis 提到...

如果利昌銀條,在哪裡放會有較好的價錢呢?

匿名 提到...

你好
利昌的地址是不是錯了?
GOOGLE MAP查過上環文咸東街16號地下 好像不是
香港文咸東街69號 係咪應該呢到先岩?

匿名 提到...

各位:
有銀市老行尊同我講開, 話SIC其實只係一班香港人自己開來買賣白銀. 佢地根本唔係瑞士公司, 亦無source入貨. 亦可以解為何要去Kitco買銀云云. 暫時我只當傳聞, 有心人可以查證一下.

閒人

Gordon 提到...

閒人兄,
哈哈,香港都有間電器生產公司叫德國BOO,其實大陸生產,香港品牌。
美國有間機構叫美國聯邦準備理事會(FED),也是不屬於美國聯邦的。

就算SIC有瑞士人,識得用瑞士文向瑞士個D網落order訂加拿大或美國國家鑄幣廠生產的金銀幣,果d幣同K記咪又係一樣,唔通經佢呢間聲稱瑞士公司隻手之後,d幣會純度高左咩?

«最舊 ‹較舊   1 – 200 (共 237 個)   較新› 最新»