2010年5月3日 星期一

投資實金方法




《買實金實戰篇》

中國銀行永安集團大廈分行
地址:中環德輔道中71號 / 中環地鐵環球大廈出口往上環方向直行
購買點:門口直入櫃位
黃金種類:(1)加拿大楓葉金幣 (2)中國熊貓金幣 (3)五兩裝金條
售價查詢:http://www.bochk.com/web/market/trading_rates/precious_metal_trading_prices.xml?section=market&level_2=trading_rates&fldr_id=279
購買要點:
(1)講買前請先致電查詢有沒有貨2843 6111→按2。
(2)沒戶口者,只收現金。
(3)購滿8000需登記個人資料。
(4)加拿大楓葉分有膠套及無膠套裝,無膠套裝較平,但長期無貨。
(5)金條有分99及9999成色,後者長期無貨。

恆生銀行總行
地址:中環德輔道中83號 / 中環地鐵環球大廈出口往上環方向直行
購買點:地庫外幣找換部
黃金種類:(1)加拿大楓葉 (2)澳洲袋鼠 (3)五兩裝九九金條 (4)美國鷹揚
售價查詢:http://www.hangseng.com/c_rate/gold_price.asp
購買要點:(1)講買前請先致電查詢有沒有貨2198 5333→說要接到外幣找換部
(2)沒戶口者,只收現金,要有縱合理財戶口才可過數,若是簿仔戶口就要帶簿仔
(3)購滿8000需登記個人資料
(4)美國鷹揚為K金,一安士的9999純金內混了銀,所以放給金行的價會低於其他。
(5)楓葉大部份為沒有膠套
(6)金幣中,以澳洲金幣貨源最足,另外,其他恆生自行發的黃金產品,如財神金幣,較沒有國際認受性。

恆生銀行九龍總行
地址:旺角彌敦道618號 / 旺角銀行中心出口往油麻地方向直行
購買點:一樓23號櫃位外幣找換部(電話:2998-6262)
註:其他資料同上

周生生
地址:視乎分店購買點:周生生所有地舖(商場舖除外)
黃金種類:(1)一兩裝9999金扣 (2)五兩裝9999金條 (3)其他飾金
售價查詢:http://www.chowsangsang.com/new/chi/index.htm
購買要點:
(1)金扣及金條的手工費比飾金少,每兩$300
(2)只收取現金,絕不收取信用卡
(3)旺角的粵港澳湛周生生頗方便,因為旁邊為恆生銀行
(4)周生生設有黃金檢定服務,查詢:2730 2305


●其他買金處還包括利昌、大洋金幣,詳情請參閱購買實銀篇

●金行及銀行的買賣差價可能因市況波動而臨時調整,購買前請致電查詢

●所有價格及差價以各金行及銀行為準

97 則留言:

匿名 提到...

我都對實金有興趣, 想請問銀行買既99金, 係咪好似係金鋪買金咁, 買左之後可以去別家銀行或金鋪賣出?

銀行只有99金, 流通會否較9999金弱?

gogoldjoe 提到...

1/銀行賣出的九九金都係香港金銀業貿易場認可之交收黃金,所有有賣的銀行都會收。

2/全世界的黃金只有一種,成色的不同不會影響其流通。

jasonchong 提到...

"全世界的黃金只有一種,成色的不同不會影響其流通。"

that why 只有黃金可以幾千年,依然係財富既象徵!

匿名 提到...

Joe,

謝謝你的意見.

再想請教, 你買了的金條是存放在銀行嗎? 放在家中好像不太安全. 其實問題有點攪笑, 人家八兩金都放在身上, 五兩金算什麼......

gogoldjoe 提到...

放在銀行保險箱,但白銀因為太大舊,放了在家,就算有賊,我諗佢都搬唔郁!
保險箱費用一年400元左右,已夠你放下超過二百萬的黃金,不過東亞及星展曾發生過保險箱失竊,所以我選痕生,放入保險箱時,我會在保險庫內的小房內為每件黃金拍照做紀錄,以防萬一!(雖然未必有用,好過死無對證)
其實,保險箱失竊,銀行條約是不包賠的,不過你的存款亦一樣,存款保證有限額。所以若然真係買好多金,有師兄會分開幾間保險箱放。

gogoldjoe 提到...

另外,銀行的保險箱有高低之分,低的會留番比公公婆婆,等佢地唔使禽上禽落(保險箱庫內設梯子),我會建議揀高一點的,安全性應更高!

匿名 提到...

粵港澳湛周生生跟周生生集團有咩分別?
周大福得唔得?

匿名 提到...

今日問過周xx(唔記得咗邊間),佢話EPS都唔受喎!

b兒童 提到...
作者已經移除這則留言。
金錢一一 提到...

謝謝Joe兄用email回覆,小弟响呢度分享番:

「兩者冇咩分別,不過粵港澳可買到金條及金粒,但周生生集團就好少有供應!周大福問題都唔大,香港的法例對賣金是很嚴的,且黃金的品質好易check,有咩問題,金行驚過你!唔收eps,以我所知只限於金粒及金條,飾金未聽過。」

gogoldjoe 提到...

更正:

得到sp提點,四百元一年的保險箱可放800兩黃金,即係最少有近千萬黃金。

b兒童 提到...

Joe兄唔好意思我想更正資料恒生銀行總行是德輔道中83號.
http://www.hangseng.com/hsb/chi/abo/cu/ba/index.html

jasonchong 提到...

請問有無師兄、姐知道恆生財神金的成色?

Sea Coconut 提到...

請問各位,小弟是新手;想買實金保值。
但該怎樣買才是上策? 現在金價這樣高,此時買入會否不智?

gogoldjoe 提到...

你識得搵到去168,一定係覺得投資市場有d唔妥,慢慢看多一點評論吧,買金已唔單止保值,而係充滿機會!

此時入市會唔會太遲?我的意見是不遲!現價仍然未算高,更可以講仲係偏平(只要你了解多一點金市就會知),相信不久將來會愈來愈貴!如果作長線投資,如10年或5年,只會買貴,唔會買錯!

Lisa 提到...

中銀有1/20oz 楓葉金幣賣, 小過一毫子少少 !
約600幾蚊, 用來送禮或無咁多資金都可以考慮 !

Unknown 提到...

Hi Joe, I find the in/out price for 99.99 gold bar in Chow Sang Sang is $490.\, which is about 4%. How much difference is for gold sold in the bank? both 99.0 ot 99.99 gold?

thanks

gogoldjoe 提到...

check下各銀行網上個價就check到架喇!

匿名 提到...

Joe兄你好,我是新手,想請問「紙黃金」是否不值得投資?

匿名 提到...

請教 ANA, GMA, KRA 即係代表乜野?
加拿大楓葉分有膠套及無膠套差多小錢?
謝謝 !!

匿名 提到...

請問有沒有人會去萬兆豐買實物金呢? 我見他們網自上有提到實金買賣, 但為何這裡沒人討論呢?

Lisa 提到...

剛去萬兆豐個網頁睇, 買賣好似好麻煩咁啊 ! 而最小要買 5両, 是大戶買貨的地方 !

匿名 提到...

唔好意思, 我係新手, 想請教有關黃金回購問題
- 在銀行/金鋪購入的金粒/條是否可以去任何一間賣金鋪賣, 而沒有驗金的問題呢?
- 金幣是否一定要去中銀或恒生賣, 在金鋪會當原金以重量計呢?金鋪又會唔會唔收K金的鷹揚呢?
- 賣金時是否一定要出示當年的單據呢?
謝謝

匿名 提到...

行過八掛下...

周生生被曝含金量不达标
http://www.913.cn/shownews.asp?id=11057

Lisa 提到...

所以好驚在大陸買金飾, 因為無保障 !
在香港買的, 有單有據, 唔到佢唔回收 !

小C9 提到...

吓?! 我啱啱先喺周生生買咗條手鏈, 唔好嚇我. XO

Gordon 提到...

剛巧我前晚也在周X生買了條手鏈, 不過係香港門市買的,我唔驚佢假喎,佢係香港上左市架,你睇番段新聞,那伴唔夠色產品, 係報稱另一個公司做的, 都唔係用正周X生招牌,順便回應埋上面一位朋友的查詢, 那晚同時於周X福,我見到有人攞左成8或9個金幣沽出,周X福收左.

匿名 提到...

講起又講~

有冇人知香港邊度有金屬成份&純度檢測的?

有時想將屋企一D金銀首飾重新打過,但又有D擔心個純度會改變....

我知大陸唔少金銀加工鋪,但貿貿然攞去真係信唔過,又唔見香港有打銀鋪....

小C9 提到...

Gordon,
ic. thanks.

匿名 提到...

想問中銀既中國熊貓金幣1/2安士貨源係唔係成日缺?

gogoldjoe 提到...

係,我問過幾次都話冇,後尾索性唔鬼問!

匿名 提到...

請教版主,香港何處能使用信用卡買金幣或是金條金塊?

gogoldjoe 提到...

暫時沒有地方可用卡買金!除了有溢價的紀念性金幣及金條。

匿名 提到...

版主你好, 我都係實金愛好者,最近search到你的blog, 覺得呢度資料好有用, haha
之前我都係響金舖買金多, 但俾人中間食左得好...我未去過銀行買金,想問一下版主, 如果在銀行買了實金, 之後想放番出去係咪拎番去個間銀行就ok?需要在該銀行有戶口的嗎?

另外想問平時睇金價圖都係以美元對一盎司, 但我買開9999金, 有無方法可以化番做港元去計?

gogoldjoe 提到...

1/拿去銀行放或金行放都可以,但銀行差價較低!沒有戶口亦可,從來黃金買賣只認金不認人。

2/計價可看金銀業貿易場的即時價,但重量單位不同,各地成色亦有差別,所以價格有少許出入,但差別很少。

moondream3003 提到...

就來新年了, 想將仔仔D利是錢及平時儲的錢投資, 得少少, 二千至三千, 請問有何提議呢?

gogoldjoe 提到...

來得呢度,當然係問買金定買銀,二三千蚊,去東洋或kitco買幾個銀幣啦,東洋今周六有澳洲樹熊銀幣及翠翠鳥銀幣到,或者去大洋買熊貓銀幣(2010/2011年)都不錯,一來可放家中作裝飾,又可當儲錢,仔仔見到可愛的動物又會好開心,話唔定從此愛上儲存銀幣,將一生受用,可謂一舉兩得。

匿名 提到...

新手入門, 想問 楓葉金幣邊度有得買???
問過中銀同恆生, 都無貨. 好失望
問埋永亨, 佢話要有戶口先可以買, 而且都係無貨, 要訂.
見今日金價跌了一點, 想買人生第一枚金幣, 但是失敗了!
金粒又好似俾金行賺左d,無咁抵買.

匿名 提到...

我記得利昌有金粒賣,但手工費幾多就唔知了~

匿名 提到...

終於都係中銀買到楓葉金幣啦, 1oz有套$11002, 咁的價位入係咪唔算抵? teller話近來多人買金, 所以一定要打電話去留, 但貨源充足, 只是去貨去得快!

匿名 提到...

唔好好意, 我係買實金的新手, 今天去了周生生買了一兩9999金粒,價為$12,910, 但我不明為何在中銀見9999金一兩出入為 12,495.00/12,525.00 , 到底係周生生買的點解會貴咁多? 而且買賣出入價要差$500, 而中銀只係數十元!
謝謝~

金甲超人 提到...

一般飾金行都差價大!我開頭唔識都喺周大碌買了3粒!之後都去銀行買!但都去利昌買了兩粒!(差價都係$100/9999;$60/99兩),但中銀無9999一兩裝賣!

匿名 提到...

謝謝金甲兄~

匿名 提到...

所以我喜歡去利昌買金和銀!不過銀冇貨。

匿名 提到...

金甲兄,

謝你先前的解答, 由於係新手, 好多竅門都唔知, 所以昨晚係咁溫習你D文章, 在此想問問為何你反對 ~ 黃金ETF,紙黃金,倫敦金,期金,及一切黃金衍生產品。它們對實金市場不是有正面的幫助嗎? 謝謝~

兔仔上

金甲超人 提到...

兔仔兄:
要澄清這金甲蟲Blog係亞Joe兄架!我只係佢嘅Blog會員!你睇緊係Joe兄嘅心血文章!我同你一樣都係新牌仔!你啲問題可以睇書或等Joe兄揮毫!

會員金甲超人:)

匿名 提到...

pls read 第四章:枇杷膏的秘密

匿名 提到...

JOE 兄, 不好意思呀~

兔仔上

匿名 提到...

永亨、永隆、集友銀行能否購到金條及金幣呢?

匿名 提到...

永亨可以先開九九黃金存摺或純金楓葉存摺,然後買入實金,兩者都可以提取實金,九九金提取單位是5兩或其倍數,楓葉金提取單位是1安士或其倍數.九九金現貨情況我不太清楚,因我開的是楓葉存摺,楓葉金幣現貨奇缺,我在網上買入,然後向總行預訂取實金,等了約兩個半月,但要往總行取.在網上買入好處是可以吼到低位,因為網上買賣可以從上午9:00直至凌晨2:30(或3:30冬令時間),當然你在開戶的時候要同時開港幣戶口及申請網上服務.但不是每家永亨都可以開黃金存摺(我在幾年前開戶,那時是所有分行都可以開黃金存摺),開戶前你要先查清楚.

至於永隆,集友銀行我就不太清楚,其實兩者在以前都不是主力做黃金買賣服務. 有很多銀行以前有做實金買賣,現在都沒有實金業務,例如約20年前我都曾經在東亞銀行買到金牌仔,現在東亞都沒有實金買賣.

投資一丁 提到...

咁多位師兄/師姐,

新手一名,想請教一下:
1. 中銀九九金/九九九九金存摺係咪都可以買賣實金?
2. 係銀行有貴金屬戶口買賣其實係咪都無咪著數?
3. 星期六、日有無得買賣實金實銀?我星期一至五返工行唔開去中環,有無辦法架?

謝﹗

匿名 提到...

投資新丁,中銀只有'貴金屬存摺'一種(我都有),只可以買賣紙金紙銀(沒有實貨),你可以看清楚開戶細則.既然沒有實貨可取,如果你要實貨,根本沒有jetso.
據我有限的知識,全港銀行的黃金存摺,只有永亨的楓葉存摺及九九金存摺可以取到實貨(永亨總行的職員也是這樣說).o吾知其他的師兄/師姐有沒有補充?
你有沒有朋友(好似我甘樣),大家互相幫忙,有時我幫拒買,有時拒幫我買.
另你工作的附近有沒有上商分行?午飯時間可以去買,你每日都會去吃午飯的,找一天去上商/金舖處理(吃bread).要在星期六日買實銀,只有到旺角東洋(日至六下午2:00至8:00都開),不過當然貴過Kitco.另我也試過找信得過的courier到灣仔大洋買貓銀.
Kitco也可以接受fax/email開戶,用PPS網上過數,print out then fax to Kitco,就可以比你先落order,等Kitco confirm收到你的錢,就可以取貨,Kitco有授權書sample,你可以授權朋友/家人幫你取貨,你也可以叫Kitco送貨,但要加錢,詳情請向Kitco查詢. 希望以上幫到你.

投資一丁 提到...

唔該哂﹗我附近可以去上商/大洋,其實怕午飯人多,唔會有人招乎我呢D新丁...第一次買,想問多少少,想問下:

1. 上商或者大洋,買金/銀程序手續上有無話邊間方便D?
2. 係咪只可以現金交易?
3. 上網見到大洋唔只貓幣,仲有好多紀念金幣,好似貴D?我唔係錢幣收集家,係咪無咁抵?

謝謝﹗

金甲超人 提到...

投資新丁,
上商分行買金walk-in就可以!不過一般分行存貨不多,我去過上環分行買過!他們有兩條5両六粒1両,如果買多去總行!但中環總行lunch time 唔好去!負責黃金那位員工去食钣!除非你超級客!
大洋有好多紀念幣,但第二貴比旺角東洋!自己衡量!

匿名 提到...

我去開的沙田上商及我朋友去的天水圍上商,只在counter pay cash(也可以開戶,在港元存摺內扣數)就可以買金,沒有特定某個職員負責,所以anytime去都可以.每間分行都唔同,睇你好唔好彩.

投資一丁 提到...

唔該咁多位﹗﹗聽落上商好似幾方便,有cash去到counter就ok...我唔去中環個間啦,咁麻煩...其實我都趕唔切過去~

大洋同東洋紀念幣貴,咁一般個d貓幣係咪都貴過人?

匿名 提到...

投資新丁,上商買金如果沒有戶口,每次都要給職員影印身分證.一般貓幣的溢價是比其他紀念幣如楓葉銀等等為高的.

投資一丁 提到...

原來貓幣溢價高d...咁我試其他紀念幣先...
多謝提點﹗

匿名 提到...

點解唔見左Eric金分享既post?

MANMAN 提到...

想問問粵港澳湛周生生的金粒同周生生賣既金粒會唔會有分別??

匿名 提到...

請問內地的金價例如290元人民幣每克
內地金鋪所顯示的黃金回收價是以什麼金作標準?
九九金?千足金?還是?
如果不是國內著名礦業公司如招金礦業的九九金條,而是香港周生生的金粒或九九金條,一些香港金鋪如周生生在國內開設的分店是否會回收?火耗又點計?

匿名 提到...

其實我唔覺得熊貓金比楓葉貴, 大洋系按照中銀网上個報价賣的。例如今日中銀网上報价: 楓葉(999.9)$11457, 熊貓(999)$11417。
不過大洋賣熊貓金的手法就賤格D,要全套熊貓一齊買(由1/20盎至1盎士共5個)!

另外, 我覺得中國金幣總公司的999.9〝中國金幣金條" (2010年珍藏版)亦是比較公平的。我曾經系大陸其中一間經銷買過,售价按上海黃金所易所的即時報价+14元/克,而回收价系上海黃金交易所的即時報价-2元/克。
除了熊貓1盎金幣外, 我相信這种金條可能是大陸官方發行的各种黃金實物中溢价最少的了。
這种金條有50、100、200、500克四种。 而且每條背后都刻有自己獨有的號碼的。我最鐘意系這种金條表面處理做得几好。不像利昌或永丰的做得比較粗糙。
但是,以我所知, 很多大陸的經銷商不按這個政策售賣金條,私自會加上不少的溢价的。

咖喱

匿名 提到...

新的 Banner 好靚

--
金電視

金甲超人 提到...

where can buy 中國金幣總公司的999.9〝中國金幣金條 ?

匿名 提到...

中國金幣總公司的authorized dealers : http://www.chngc.net/Main/D_JG/ShowDetail_709.shtml

深圳, 廣州, 珠海都有店, 但買前打個電話去問清楚佢個售賣政策。
一定要保留發票,回收時要睇發票。
個產品网頁:http://www.chngc.net/main/D_company/model2_product_detail.aspx?comid=184&id=109
http://www.chngc.net/main/D_Search/ShowDetail.aspx?id=2794
大陸好少人識買呢只野, 好多人行入銀行門口就比人呃左去買紙金

昨日我去大陸建行問關於佢出的金條, 仲好笑! 賣价系spot price + 20/克, 回收价系spot price。
但只可以將金條存系佢度, 唔可以拎走! 拎走左佢唔回收!甘同紙金有乜分別?

甘我又多余問佢, 可唔可以將金條抵押同佢借錢, 佢竟然話唔得喎!

咖喱

匿名 提到...

中國金幣總公司的深圳分店在那裡?他們的金銀幣都好靚,好想
買呀!但是否比一般金幣銀幣貴好多呢?

Joe兄,很開心能加入你們金甲蟲,亦祝各任大小金銀甲蟲,金
銀滿屋。
Market

匿名 提到...

Joe兄,看了你的blog不久,已下定決心做一隻銀甲,今天出金拓和利昌買了銀幣和銀條。
雖然拎到手軟(成150oz),但係"有野揸手"感覺真係好,亦令我明白到要遠離衍生工具
多謝你嘅資料同分析
PS.同朋友講起我買銀,比人笑我廿幾歲仔做咩學埋啲呀伯買銀放屋企=_=||!

Unknown 提到...

Dear joe & all,
I buy one maple leaf gold coin one ounce, it marks 1999 & 2000 on the side of the queen head. Normally there is only one year marked, does anyone know why?
Thanks
Jw

gogoldjoe 提到...

回JW,可能是特別版!

armchannel 提到...

各位好,小妹新手,想問問圖中金條,可在那兒買到呢,依d金條又可否令去金鋪度做買賣呢???同埋圖中金檢大約多少錢呀~

匿名 提到...

你好!我是新手小M,有幾條問題想請教你。希望不要介意我的愚蠢問題。/////

為何這裡沒有介紹在利昌買金?是因為在那裡買唔抵還是什麼原因?
請問會推介在哪裡買金好一點(銀行、利昌、金舖)?
請問可否推介買什麼類型的金(例如金粒、金幣、金條等)?各種有何利幣?那種保值一點?
買99金還是9999金會好一點?差別是否只有純度和兩者價格有差異?

請回覆賜教,謝謝!

May 提到...

瀏覽了這個網頁已有一段日子了,學了很多東西。想請教一下金甲蟲網友,無套楓葉金幣表面有頗多花痕兼有少許紅點,回收方面有無困難呢?係唔係會按牌價再壓低D咁?May

gogoldjoe 提到...

回may,要試試才知!可問多幾間格價!

armchannel 提到...

今日打左去中銀問下有冇熊貓金幣,佢地話要訂,都未必有貨呀~

匿名 提到...

係咪大部分銀行都係賣5兩裝金條?
有無銀行賣1兩裝的?
麻煩麻煩!

匿名 提到...

上商有一兩裝.

閒人

匿名 提到...

80後嘅我今日剛剛o係中銀買到1個 1/20 嘅楓葉金幣作起點...
係我人生第一個金幣仔 (真係好細個 ^^")
唔知呢個起點係咪太細步呢?

匿名 提到...

今日一小步 人生一大步
但不要買太細size的,你計番20個1/20同一個1安士價錢就知好蝕章

匿名 提到...

係喎! 蝕左章 O_o"

匿名 提到...

我是新手,找了幾間中銀,也沒有楓葉金幣存貨,留了電話說有貨會call我,但都未見有回音。其實還有咩方法,可以知那間分行有存貨呢?

匿名 提到...

回匿名,你可以打電話去上商hotline 28180282,問佢邊六間分行有楓葉,上商只有六間分行有楓葉買賣.

匿名 提到...

我好想買實金 但唔知點入手 有無人可以教下我??? 我會好感激大家 有人原意比D意見我 可以加我MSN URCHRISTY@HOTMAIL.COM.HK

russell 提到...

想請教各位, 小弟手停口停, 實在很不容易在辦公時間到銀行或利昌去買實金實銀, 不知道之前有師兄提過的 "永亨九九黃金存摺" 是否一个好選擇呢? 可以用電話或在互聯網查價格及買賣, 應該比較方便及貼市, 而且不是紙黄金, 只是不知道與牌價之差距及買賣差價是多少呢? 另外又是否有在細節中的缺點或陷阱呢? 先多謝各位!

嘉芙蓮 提到...

我好想買實金 但唔知點入手 有無人可以教下我??? 我會好感激大家 有人原意比D意見我 可以加我MSN URCHRISTY@HOTMAIL.COM.HK

---
你睇晒呢個blog 既資料都有一定概念, 最後最緊要清楚自己目的

Gordon 提到...

小弟手停口停
------------------------------
To:rusell
我也是。
1."永亨九九黃金存摺" 是否一个好選擇呢?
小心。不能在你手隨時實際拿到的黃金,都是紙黃金。

HAY 提到...

BLOG主你好!
最近我都有D擔心未來會出現hyperinflation既情況,所以有興趣買實金保值, 但因為小弟仲係學生,所以儲蓄唔多
想問下如果我預算用一萬左右黎買實金, 1/4 oz 既楓葉金幣會唔會係一個好選擇?

同埋交易既時候有冇咩野要特別注意?例如需唔需要check d咩野或姐帶d咩文件?

另外雖然黃金係好STABLE既金屬,但係係儲存既時候又有冇咩要留意既地方?

thx!

匿名 提到...

Kitco 的金幣勁貴, 下次要去銀行買先得, 今次做左豬!

匿名 提到...

各位好,

小弟己有一些恆生99金條,現想買一些9999金條,請問何處比較好?另9999金條有1公斤以下的尺寸嗎?我見永豐只有1公斤的。

另買99跟9999金條分別真的很大嗎?

先謝謝各位師兄師姐

makey 提到...

小弟都想買金,想問下99金和9999金的問題。曾讀過一篇文章說99金是由金銀業貿易場發行,只於本港流通,歐美等不認可;而9999金則全球流通。這個概念對嗎?是否每兩多付百多元,買成色更好的9999金更勝過99金?

今日問過上商,他們說他們的99金條上是戳金銀業貿易場的印,所以能在香港其他地方轉手(即在上商買入,在其他金舖賣出);而9999金粒則戳上商自己的印,在外面放售人地未必會受,無99金條咁流通。點解佢講既好似同我個理解調番轉既?謝謝。

匿名 提到...

各位高人:
我最近留意到一間叫GOLDMONEY嘅網站,性質好似同KITCO相近,唔知有冇人去過呢間公司買金呢?同埋呢間似一家可靠的公司嗎?
AA

新手 提到...

你好
我想請問一下去利昌買跟去銀行買實金有什麼分別????

匿名 提到...

有無人買過周x福珠寶會?即以前㗎黃x仙會?值得購買嗎?供滿後只可換取飾金。金粒好定做會好?
小妹對買實金有興趣。

匿名 提到...

大家點看未來金走勢?升還是跌?可否給予寶貴意見。理據支持何在?感激萬分!

匿名 提到...

看完各位見解夠竟邊度買金粒好?
周x福,周x生,銀行定利昌?
請各高手指教。新丁一名不懂行情。

Unknown 提到...

金行買金貴過銀行買,是不變的定律

匿名 提到...

Think about how oft you use the exponent first concrete
decision you have to make. This affordable red is
medium-bodied with a jammy gambling On-line that requires senior high f number net, and the
fact that some homes have more than one computer.
Ed2go rebate Code I'm indisputable you've conditioned roughly those mass that go
to a storage in sex act to their great deal enjoy that.

my web blog :: coupon code

匿名 提到...

請問宜家去邊到買實金比較平,我見銀行金幣賣出價加左好多,都唔知去邊到買實金平